Украіна ўнесла вышыванку ў спіс нематэрыяльнай спадчыны ЮНЕСКА

Сёння адзначаецца Сусветны дзень вышыванкі.

Да Сусветнага дня вышыванкі, які сёлета адзначаецца 21 мая, Міністэрства культуры Украіны падало ўкраінскую вышыванку на ўключэнне ў Рэпрэзентатыўны спіс нематэрыяльнай культурнай спадчыны чалавецтва. Пра гэта 20 мая паведамілі на сайце ведамства.

Ініцыятарам выступіў Нацыянальны музей народнай архітэктуры і побыту Украіны, адзначылі ў Мінкульце. Да падрыхтоўкі намінацыі таксама далучыліся экспертны савет па пытаннях нематэрыяльнай культурнай спадчыны, навуковыя і культурныя інстытуцыі, абласныя цэнтры народнай творчасці і грамадскія арганізацыі.

Намінацыйнае дасье «Вышыванка ва Украіне: сацыяльна-культурная традыцыя» падпісала віцэ-прэм'ер-міністр па гуманітарнай палітыцы – міністр культуры Украіны Таццяна Беражная. Пасля гэтага яго перадалі ў Міністэрства замежных спраў Украіны, якое разам з пастаянным прадстаўніцтвам Украіны пры ЮНЕСКА накіравала дасье на разгляд міжурадавага камітэта ЮНЕСКА па ахове нематэрыяльнай культурнай спадчыны.

Беражная падкрэсліла, што традыцыя вышыванкі з'яўляецца адной з самых распаўсюджаных і «жыўых» формаў нематэрыяльнай культурнай спадчыны Украіны.

«Сёння вышыванка – важная частка нашага жыцця. Таму так важна, каб свет ведаў, што яна наша і чаму яна так важная для нас», – адзначыла яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]