Дроны даляцелі да Стаўрапольскага краю і Татарстана

Пашкоджана некалькі расійскіх заводаў.

У ноч на 16 мая ўдарныя беспілотнікі атакавалі Стаўрапольскі край РФ, дзе паразілі хімічны камбінат «Азот» у Невіннамыску.

На месцы ўдару ўспыхнуў пажар, паведаміў маніторынгавы тэлеграм-канал «Exilenova+».

«У горадзе Невіннамыск, Стаўрапольскі край, быў атакаваны хімічны завод «Невіннамыскі Азот»; на відэа, апублікаваным мясцовымі жыхарамі, бачны пажар на аб’екце», — гаворыцца ў паведамленні.

Губернатар Стаўрапольскага краю Уладзімір Уладзіміраў пацвердзіў, што дроны сапраўды атакавалі Невіннамыск, аднак абверг інфармацыю пра пашкоджанне прадпрыемства.

«Нашы сілы СПА адбілі налёт варожых БПЛА паблізу Невіннамыска. На зямлі няма пацярпелых і разбурэнняў. Дзякуй абаронцам нашага неба. Рэжым беспілотнай небяспекі ў Стаўраполлі працягвае дзейнічаць. Будзьце пільныя і асцярожныя», — напісаў Уладзіміраў.

Акрамя таго, маніторы паведамілі пра пажар у Татарстане, дзе загарэлася ТАА «Прадпрыемства электрычных сетак».

На момант публікацыі матэрыялу ўкраінскі бок не каментаваў удары па Татарстану і Стаўрапольскім краю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]