Пашынян затроліў дыктатуру Пуціна

Прэм'ер Арменіі заявіў, што ў ягонай краіне няма палітвязняў і адсутнічае цэнзура ў інтэрнэце.

Прэм'ер Арменіі Нікол Пашынян заявіў на сустрэчы з дыктатарам Расіі Уладзімірам Пуціным, што ў турмах рэспублікі няма палітвязняў.

Так ён адрэагаваў на рэпліку расійскага дыктатара пра тое, што некаторыя з удзельнікаў унутрыпалітычных працэсаў у Арменіі знаходзяцца ў месцах пазбаўлення волі, нягледзячы на тое, што ў іх ёсць расійскі пашпарт (ідзецца пра кіраўніка ГК «Ташыр» Самвела Карапецяна, які знаходзіцца пад хатнім арыштам і мае расійскі пашпарт — рэд.).

Прэм'ер запэўніў, што ў Арменіі дзейнічае дэмакратычная сістэма, і многія «нават скардзяцца на тое, што дэмакратыі зашмат». Ён таксама заявіў пра наяўнасць свабодных сацыяльных сетак у Арменіі, дадаўшы, што ў краіне «няма ніякіх абмежаванняў».

Што да ўдзелу ў выбарах, то, паводле ягоных слоў, па выніках парламенцкіх выбараў павінен быць абраны і прэм'ер-міністр. У гэтых выбарах могуць узяць удзел грамадзяне, якія маюць толькі армянскі пашпарт.

«Згодна з Канстытуцыяй Арменіі, людзі з расійскім пашпартам не могуць быць ні кандыдатамі ў дэпутаты, ні кандыдатамі ў прэм'еры», — заявіў Пашынян.

Разам з тым прэм'ер запэўніў, што армяна-расійскія адносіны пасля парламенцкіх выбараў у краіне будуць дынамічна развівацца.

«Упэўнены, што па выніках будучых выбараў дэмакратыя ў Арменіі і ўлада народа ў Арменіі яшчэ больш умацуюцца. І нашы адносіны таксама па выніках выбараў будуць і далей дынамічна развівацца», — заявіў Пашынян.

Парламенцкія выбары ў Арменіі прызначаныя на 7 чэрвеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]