Расійскі алігарх Дзерыпаска прапанаваў абваліць рубель

Каб расіяне разбагацелі.

Заснавальнік «Русала», расійскі алігарх Алег Дзерыпаска выступіў з рэзкай крытыкай цяперашняй грашова-крэдытнай палітыкі Расіі. На думку бізнесмена, умацаванне нацыянальнай валюты негатыўна адбіваецца на даходах грамадзян, фактычна робячы іх бяднейшымі. Мільярдэр усклаў адказнасць за падзенне ўзроўню жыцця на макраэканамістаў, якія, паводле яго ацэнак, дапусцілі празмернае ўмацаванне рубля.

Для выхаду з крызісу Дзерыпаска прапануе радыкальныя меры: зніжэнне ключавой стаўкі Банка Расіі да 6% і дэвальвацыю рубля да адзнакі 105 за долар. Акрамя таго, прадпрымальнік лічыць неабходным перайсці на ўзмоцнены графік працы — па 12 гадзін 6 дзён на тыдзень, сцвярджаючы, што такія меры дазволяць аднавіць эканоміку на працягу пяці гадоў.

Змены ў грашова-крэдытнай палітыцы, пра якія кажа Дзерыпаска, паўплываюць на заснаваны ім алюмініевы бізнес кампаніі «Русал», які ўпершыню з 2014 года атрымаў чыстую гадавую страту, адзначае The Moscow Times. Кампанія аб’ядноўвае 12 заводаў і з’яўляецца найбуйнейшым вытворцам алюмінію ў свеце па-за Кітаем, але па выніках 2025 года страціла $455 млн. Хоць выручка «Русала» павялічылася на 17%, да $14,1 млрд, кампанія рэзка нарошчвае выдаткі ў рублях праз рост працэнтных ставак у РФ і падзенне курсу рубля: на абслугоўванне крэдытаў — на 71%, камерцыйныя выдаткі, якія ўключаюць лагістыку, — на 25%, на вытворчасць і персанал — на 12%. Падзенне кошту рубля можа палепшыць паказчыкі бізнесу «Русала».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]