Беларусы паспрачаліся, як правільна гатаваць дранікі

Мінскі гастрабар папрасіў рэцэпт галоўнай беларускай стравы.

«Прама цяпер наш кухар спрачаецца з дырэктарам, якія дранікі патрэбныя для нашага закладу (у нас будзе славянская кухня і, вядома, патрэбныя дранікі): адзін — за тонкія хрумсткія, другі — за мяккія таўсценькія! Дапамажыце», — такі пост разам з фота варыянтаў гатовай стравы з’явіўся у акаўнце мінскага гастрабара «Лампа» ў Threads.

У каментарыях пачалася гарачая дыскусія. Беларусы пачалі дзяліцца парадамі і рэцэптамі прыгатавання дранікаў. Большасць каментатараў сышлася ў меркаванні, што на абедзвюх фатаграфіях — не сапраўдныя дранікі.

«Ні першае, ні другое не з’яўляецца дранікамі», — напісаў адзін з іх.

«На фота не дранікі. Лепш хрумсткія, але на іншую тэрку. Тоўстыя звычайна бываюць з начынкай — калдуны, бульбяныя зразы», — падтрымаў яго іншы каментатар.

Даволі хутка высветлілася, што ўніверсальнага адказу на пытанне, як павінна выглядаць адна з самых вядомых нацыянальных страў нашай краіны, няма.

«Дыванныя эксперты. Гэта таксама дранікі. У Беларусі больш за 200 рэцэптаў дранікаў, у залежнасці ад рэгіёна», — напісаў карыстальнік пад нікам schipcoffff.

Дасталося аўтарам паста і за памылку ў назве краіны: яны напісалі яе праз літару «о»:

«Спадзяюся, няправільная назва нашай краіны — гэта няўдалы першакрасавіцкі жарт?»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]