Беларусь перажыла рэкордна сухі сакавік
У двух гарадах упершыню ў гісторыі не выпала ні кроплі.
Сіноптыкі падвялі метэаралагічныя вынікі першага вясновага месяца. Для большасці рэгіёнаў Беларусі сакавік стаў рэкордна цёплым за ўсю гісторыю назіранняў, а для паловы краіны — яшчэ і рэкордна сухім. У двух беларускіх гарадах, згодна з афіцыйнымі справаздачамі метэастанцый, у мінулым месяцы не выпала нават міліметра ападкаў, паведамляе «Тэлеграф».
Як адзначылі аўтары тэматычнага Telegram-канала пра надвор'е «Метэавайб», сакавік 2026 года вырашыў адпавядаць тэндэнцыям апошніх гадоў і працягнуў абнаўляць тэмпературныя рэкорды. У выніку для 35 з 48 беларускіх афіцыйных метэастанцый мінулы месяц стаў самым цёплым сакавіком за ўсю гісторыю назіранняў.
Так, на фоне анамальна цёплага надвор'я ў Брэсцкім рэгіёне да канца сакавіка зацвілі абрыкосы, фатаграфіямі якіх падзяліліся падпісчыкі «Метэавайба».
Але куды больш трывогі ў спецыялістаў выклікае тое, што разам з паскораным пацяпленнем у Беларусь прыйшла сапраўдная засуха. Адразу ў двух гарадах ва ўсходняй палове краіны ў мінулым месяцы ўвогуле не было ападкаў — у Жлобіне Гомельскай вобласці і Слаўгарадзе Магілёўскай вобласці. Паводле слоў спецыялістаў, такое засушлівае надвор'е ў сакавіку дагэтуль не здаралася.
Аўтары іншага Telegram-канала @nadvorie сабралі антірэкорды па колькасці ападкаў у сакавіку і ў іншых беларускіх гарадах:
Полацк — за месяц выпала ўсяго 5 мм ападкаў (што адпавядае толькі 11% ад кліматычнай нормы). Папярэдні рэкорд быў зафіксаваны ў 2022 годзе і складаў 7 мм.
Лепель — 3 мм (7% ад нормы). Папярэдні рэкорд быў зафіксаваны ў 1974 годзе і складаў 5 мм.
Віцебск — 2,7 мм (6% ад нормы). Папярэдні рэкорд быў зафіксаваны ў 1974 годзе і складаў 2,8 мм.
Высокае — 2,4 мм (7% ад нормы). Папярэдні рэкорд быў зафіксаваны ў 1974 годзе і складаў 4,2 мм.
Барысаў — 1,5 мм (4% ад нормы). Папярэдні рэкорд быў зафіксаваны ў 1928 годзе і складаў 6 мм.
Мсціслаў — 1,5 мм (4% ад нормы). Папярэдні рэкорд быў зафіксаваны ў 2011 годзе і складаў 6 мм.
Сянно — 1,4 мм (4% ад нормы). Папярэдні рэкорд быў зафіксаваны ў 1969 годзе і складаў 5 мм.
Орша — 1,4 мм (4% ад нормы). Папярэдні рэкорд быў зафіксаваны ў 1928 годзе і складаў 3 мм.
Бярэзінскі запаведнік — 1,3 мм (3% ад нормы). Папярэдні рэкорд быў зафіксаваны ў 2022 годзе і складаў 4 мм.
Горкі — 1,0 мм (3% ад нормы). Папярэдні рэкорд быў зафіксаваны ў 1974 годзе і складаў 6 мм.
Касцюковічы — 1,0 мм (3% ад нормы). Папярэдні рэкорд быў зафіксаваны ў 1960 годзе і складаў 2 мм.
Васілевічы — 0,8 мм (2% ад нормы). Папярэдні рэкорд быў зафіксаваны ў 1960 годзе і складаў 4 мм.
Мар'іна Горка — 0,6 мм (2% ад нормы). Папярэдні рэкорд быў зафіксаваны ў 2022 годзе і складаў 2,5 мм.
Магілёў — 0,6 мм (2% ад нормы). Папярэдні рэкорд быў зафіксаваны ў 1954 годзе і складаў 5 мм.
Акцябр — 0,4 мм (1% ад нормы). Папярэдні рэкорд быў зафіксаваны ў 1960 годзе і складаў 3 мм.
Бабруйск — 0,4 мм (1% ад нормы). Папярэдні рэкорд быў зафіксаваны ў 1950 годзе і складаў 2 мм.
Жыткавічы — 0,4 мм (1% ад нормы). Папярэдні рэкорд быў зафіксаваны ў 1974 годзе і складаў 1,8 мм.
Мазыр — 0,3 мм (1% ад нормы). Папярэдні рэкорд быў зафіксаваны ў 1974 годзе і складаў 2,7 мм.
Беразіно — 0,2 мм (0% ад нормы). Папярэдні рэкорд быў зафіксаваны ў 2011 годзе і складаў 5 мм.
Гомель — 0,2 мм (1% ад нормы). Папярэдні рэкорд быў зафіксаваны ў 1960 годзе і складаў 5 мм.
Клічаў — 0,1 мм (0% ад нормы). Папярэдні рэкорд быў зафіксаваны ў 1960 годзе і складаў 3 мм.
Брагін — 0,1 мм (0% ад нормы). Папярэдні рэкорд быў зафіксаваны ў 1986 годзе і складаў 1,1 мм.
Слаўгарад — 0 мм (0% ад нормы). Папярэдні рэкорд быў зафіксаваны ў 1960 годзе і складаў 4 мм.
Жлобін — 0 мм (0% ад нормы). Папярэдні рэкорд быў зафіксаваны ў 2011 годзе і складаў 4 мм.
Такое засушлівае надвор'е стала прычынай таго, што да 1 красавіка ўжо ў 8 раёнах Беларусі ўведзены забароны на наведванне лясоў з-за 4-га класу пажарнай небяспекі.
Нагадаем, рашэнні аб увядзенні абмежаванняў або забаронаў на наведванне лясоў прымаюць мясцовыя ўлады па ўзгадненні з пажарнымі і лясгасамі. Новыя рашэнні аператыўна публікуюцца на афіцыйным сайце ведамства (спасылка на аператыўную карту тут) і на сайтах раённых адміністрацый, і сітуацыя можа змяняцца цягам дня.
Праўда, згодна з аператыўнымі прагнозамі сіноптыкаў, ужо ў першыя дні красавіка па большай частцы тэрыторыі краіны пройдуць дажджы, хай пераважна нядоўгія. Месцамі дажджы могуць суправаджацца першымі вясновымі навальніцамі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
