Уладальнікам сабак у Беларусі трэба плаціць падатак
20- 4.03.2026, 19:54
- 5,756
Падатак будзе налічвацца ўсім уладальнікам, незалежна ад факту рэгістрацыі жывёлы.
У Беларусі ўсе ўладальнікі сабак абавязаны штоквартальна плаціць падатак. Паводле дзеючых нормаў заканадаўства сабаку (якая дасягнула ўзросту трох месяцаў) трэба зарэгістраваць у службе «Адно акно». Гэтая працэдура бясплатная, а пасля гаспадары павінны раз на квартал уплачваць падатак за свайго гадаванца.
З 1 ліпеня 2026 года ў Мінску змяняюцца правілы налічэння гэтага падатку. Цяпер плацельшчыкаў будуць вызначаць па факце пражывання жывёлы, а не па наяўнасці рэгістрацыі хатняга любімца. Да гэтай даты будзе пераходны перыяд, важна ўважліва чытаць «жыроўкі».
– У рахунку-паведамленні на зваротным баку мы размесцім напамін аб неабходнасці зарэгістраваць хатніх жывёл. Гэта пачатак пераходнага перыяду, ён працягнецца да 1 ліпеня, - прыводзяць словы гендырэктара Мінскай гарадской жыллёвай гаспадаркі Марины Толстик.
Пасля 1 ліпеня 2026 года адпаведныя ведамствы будуць збіраць інфармацыю пра неўлічаных сабак з розных крыніц. Падатак будзе налічвацца гаспадарам усіх выяўленых, а не толькі зарэгістраваных сабак. Пры гэтым інфармацыю збяруць з розных крыніц.
Дадамо, што базавая стаўка падатку складае 14 беларускіх рублёў. Аднак яго канкрэтны памер можа адрознівацца на мясцовым узроўні.
– Рашэннем Мінгарсавета стаўка за валоданне адной сабакай у сталіцы сёння складае 11,10 рубля за квартал, - падкрэсліла намесніца начальніка ІМПЗ па горадзе Мінску Вольга Тарасевіч, словы якой прыводзіць згаданая крыніца.
Дарэчы, штраф за адсутнасць рэгістрацыі жывёлы складзе ад 1 да 15 базавых велічынь (ад 45 да 675 рублёў).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
