Лідэра гурта «Палац» прысудзілі да трох гадоў калоніі

Алега Хаменку судзілі за выпускі музычных праграм.

Лідэра гурта «Палац» Алега Хаменку прысудзілі да трох гадоў калоніі і штрафу ў памеры больш за 20 тысяч рублёў за «садзейнічанне экстрэмісцкай дзейнасці». Пра гэта паведамляе Беларуская асацыяцыя журналістаў (БАЖ).

Прысуд 4 сакавіка вынес Мінскі гарадскі суд. Хаменку судзілі паводле арт. 361−4 (садзейнічанне экстрэмісцкай дзейнасці) за супрацоўніцтва з рэдакцыяй «Беларускае Радыё Рацыя». Падчас суда, які пачаўся 19 лютага, на экспертызу былі накіраваныя выпускі музычных праграм Хаменкі на радыёстанцыі.

Алег Хаменка — музыка, радыёвядучы, выкладчык, кампазітар, культуртрэгер, прадзюсар. Лідар фолк-мадэрн гурта «Палац». Пра яго затрыманне стала вядома напрыканцы чэрвеня 2025 года. Пазней праваабаронцы паведамілі, што ў дачыненні да Алега Хаменкі ўзбудзілі крымінальную справу за супрацоўніцтва з незалежным беларускім медыя, якое ўваходзіць у спіс «экстрэмісцкіх» фармаванняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]