У Беларусі змянілі правілы мэтавага набору ў установы адукацыі

З’явіліся новыя патрабаванні.

Новыя патрабаванні да заказчыкаў і ўстаноў адукацыі пры мэтавай падрыхтоўцы спецыялістаў, рабочых і служачых уводзяцца ў Беларусі. Як паведаміла прэс-служба ўрада, адпаведную пастанову падпісаў прэм’ер-міністр.

У прыватнасці, цяпер права на мэтавую падрыхтоўку атрымаюць дзяржаўныя органы, а таксама дзяржаўныя арганізацыі і арганізацыі з доляй дзяржаўнай уласнасці ў статутных фондах не менш як 50%.

У Савеце Міністраў паведамілі, што, акрамя іх, такое права можа быць прадастаўлена «таксама іншым арганізацыям, якія ўнеслі значны ўклад у развіццё рэгіёна і маюць хадайніцтва адпаведнага аблвыканкама (Мінскага гарвыканкама)».

Пры гэтым заказчыкі павінны будуць абгрунтаваць неабходнасць падрыхтоўкі спецыяліста на ўмовах мэтавай падрыхтоўкі. А ВНУ — арганізаваць абавязковыя конкурсы для мэтавікоў як на этапе падачы дакументаў, так і пасля здачы ўнутраных уступных экзаменаў.

Акрамя таго, у дакуменце прапісана адказнасць абітурыента і заказчыка за неабгрунтаваны разрыў або невыкананне ўмоў дагавора аб мэтавай падрыхтоўцы. Удакладнены тэрміны і формы прадстаўлення заявак на мэтавую падрыхтоўку.

Як гаворыцца ў паведамленні, унесены змены і ў парадак дзяржаўнай акрэдытацыі ўстаноў адукацыі, якія могуць ажыццяўляць мэтавую падрыхтоўку спецыялістаў.

Напрыклад, у склад камісій, якія праводзяць такую акрэдытацыю, павінны ўключацца прадстаўнікі заказчыкаў кадраў. Да 1 верасня 2030 года такія ВНУ павінны павялічыць долю прафесарска-выкладчыцкага складу з вучонай ступенню з 40 да 45%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]