Беларусы не змаглі дамовіцца, чым замяніць дранікі

Затое прапанавалі дзясяткі варыянтаў.

Адзін з карыстальнікаў сацыяльнай сеткі Threads звярнуўся да падпісчыкаў з прапановай назваць «найбольш беларускую страву». Пры гэтым ён паставіў адну ўмову.

«Назаві ў каментарыях найбольш беларускую страву, — піша аўтар паста. — Калі скажаш «дранікі» — ты не крэатыўны, але я цябе паважаю».

Каментатары пералічылі дзясяткі страў, праўда, большасць з іх усё ж была з бульбы. Сайт Charter97.org сабраў самыя «смачныя», на наш погляд, ідэі:

- Бабка ў чыгунку ў печы. Абавязкова крыху мяса ў ёй. І есці, запіваючы халодным малаком.

- Кішка. Страва ўяўляе сабой свіную кішку, начыненую сырою цёртай бульбай з даданнем абсмажанай цыбулі, шкваркаў са свіной грудзінкі і спецый (часам з грыбамі або невялікай колькасцю мяса). Потым яе запякаюць у духоўцы да ўтварэння хрумсткай скарыначкі.

- Бульба ў мундзірах і шчы з квашанай капустачкі. Проста смаката.

- Мачанка. Соус са свіных рэбраў і каўбасак у мучным соусе з блінамі.

- Вершчака з аладкамі.

- Тлустыя бліны з печы са шкваркамі, качан квашанай капусты ў гарачы тук памачыць. На гарачы блін яшчэ шчодры кавалачак масла, яшчэ чарніцы з цукрам таўкачом расцерці ды бліны мачаць, клёцкі смажаныя з цыбуляй і шкваркамі.

- Вялікія бульбяныя бліны са смятанай.

- Халаднік. Абажаю!!! Ніколі не надакучвае!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]