Сапраўдны цуд: віцебская сям'я знайшла зніклага сваяка праз 25 гадоў
6- 16.07.2024, 11:07
- 10,694
Увесь гэты час мужчына знаходзіўся ў лякарні са стратай памяці.
У канцы 90-х у адну з псіхіятрычных лякарняў Беларусі паступіў маладзён без дакументаў, які назваў даволі бедныя звесткі пра сябе: прозвішча, імя і год нараджэння. Пазней высветлілася, што гэтыя звесткі недакладныя. Якія-небудзь іншыя звесткі пацыент паведаміць не змог праз свой псіхічны стан здароўя.
Пошукі сваякоў поспеху не мелі.
У 2024 годзе звесткі генатыпу пацыента змясцілі ў банк звестак ДНК Дзяржаўнага камітэта судовых экспэртыз.
Пры праверцы праз базу высветлілася, што ягоныя генетычныя характарыстыкі адпавядаюць генетычным характарыстыкам жыхара Віцебскай вобласці, 1945 года нараджэння. Пацыент лякарні і гэты грамадзянін маглі з'яўляцца сваякамі першага парадку - бацькам і сынам.
Пацвердзіць ці выключыць сваяцтва мужчын магла б генетычная экспэртыза, аднак жыхар Віцебскай вобласці памёр 9 гадоў таму. Але ў яго засталіся дзеці. Адзін яго сын, які пакутаваў на псіхічнае захворванне, знік без вестак у 1998 годзе. У рамках вышуковай справы ў бацькі зніклага 15 гадоў таму адабралі біялагічныя ўзоры і змясцілі генетычныя характарыстыкі ў базу звестак ДНК. Яго генетычныя характарыстыкі і супалі ў базе з генатыпам пацыента Магілёўскай лякарні.
Для правядзення судовай генетычнай экспертызы адабраны біялагічныя ўзоры ў 40-гадовага сына памерлага бацькі.
Па выніках экспертызы выяўлена, што пацыент псіхіятрычнай лякарні і 40-гадовы жыхар Віцебскай вобласці з высокай ступенню імавернасці з'яўляюцца біялагічнымі сваякамі і могуць быць роднымі братамі.
Такім чынам, вынікі экспэртызы дапамаглі не толькі ўстанавіць асобу пацыента бальніцы — ім быў ўраджэнец Віцебскай вобласці, 1973 года нараджэння, але адыгралі вельмі важную ролю ў далейшым жыцці мужчыны.
Праз 25 гадоў чалавек зноў набыў сям'ю - сваякі забралі яго з лякарні дадому.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
