У Менску міліцыя пачала сачыць за школьнікамі па камерах у метро і аўтобусах
12- 16.07.2024, 9:37
- 6,958
![У Менску міліцыя пачала сачыць за школьнікамі па камерах у метро і аўтобусах](https://i.c97.org/ai/425360/aux-main-1623225941-20210609_ment_bel_360.jpg)
Дапамагае "Мінсктранс".
З верасня мінулага гады ў Менску пачаўся эксперымент аплаты грамадскага транспарту. Ільготнікам, якія маюць права на бясплатны праезд, у тым ліку школьнікам, выдалі спецыяльныя пластыкавыя карты, падобныя да звычайных. Аднак у некаторых выпадках такімі праязнымі карысталіся тыя, каму льгота не належыць. Міліцыя праводзіць праверку, паведамляюць «Минск-Новости».
Увосень мінулага года пластыкавыя карты для льготнага праезду атрымалі больш за 240 тысяч, ці 93,4%, навучэнцаў сталічных школ і гімназій. Аднак увесну быў праведзены выбарачны аналіз выкарыстання праязных школьнікамі ў метро, і высветлілася, што ў некаторых выпадках яны «прабіваліся» бліжэй да паўночы - да гэтага часу дзеці ўжо вяртаюцца з заняткаў.
Пры праглядзе запісаў з камер відэаназірання высветлілася, што льготнымі праязнымі праз турнікет праходзілі асобы, якія даўно выйшлі са школьнага ўзросту.
«Пластыкавы праязны не персаніфікаваны. Устаноўленыя выпадкі яго перадачы тым, у каго няма права бясплатнага праезду, хто не з'яўляецца навучэнцам», - паведамілі ў «Мінсктрансе».
Там нагадалі, што калі льготнік прыклаў праязны да валідатара, аднак дакументаў, якія пацвярджаюць ільготу, не паказаў — кантралёры маюць права звярнуцца ў органы ўнутраных спраў.
Паводле ўсіх выяўленых фактах незаконнага праходу праз турнікеты метро з чужымі праязныміі міліцыя праводзіць праверку.