УСУ заінтрыгавалі заявай аб базе акупантаў на мысе Чауда ў Крыме

Адтуль расейцы запускаюць «Шахеды».

Мыс Чауда - адно з месцаў, адкуль расейцы запускаюць «Шахеды» па Украіне. Ва УСУ заінтрыгавалі заявай аб тым, ці можа Украіна ўдарыць па Чаудзе.

Пра гэта паведамляе РБК-Украіна са спасылкай на спікера Паветраных сіл УСУ Іллю Еўлаша> ў эфіры тэлемарафона.

На пытанне аб тым, ці ёсць ва Украіны сродкі для таго, каб дастаць да мыса Чауды ў Крыме, спікер сказаў: «Гэта сакрэтная інфармацыя».

Як патлумачыў Еўлаш, у расейцаў некалькі месцаў запускаў «Шахедаў». Гэта Курская і Белгародская вобласці, а таксама мыс Чауда ў Крыме. Пры гэтым акупанты чаргуюць месцы пускаў, каб заблытаць украінскую супрацьпаветраную абарону.

«Яны (дроны, - рэд.) могуць мяняць маршруты ўнутры краіны. Напрыклад, сустрэцца, потым падзяліцца, потым, напрыклад, абляцець нейкі горад і спрабаваць заходзіць на цэль. Гэта значыць, яны («Шахеды», - рэд.) запраграмаваныя, расейцы, якія запускаюць гэтыя дроны, аналізуюць маршруты і прадумваюць новыя нейкія адрэзкі, дзе яны яшчэ не запускалі, ці аналізуюць папярэднюю якую-небудзь інфармацыю для таго, каб ужываць гэтыя дроны ў далейшым», - сказаў спікер УСУ.