Бабарыка знаходзіцца ў хірургіі Наваполацкай лякарні

Магчыма, палітычны вязень быў моцна збіты.

У Наваполацкай цэнтральнай гарадской лякарні пацвердзілі шпіталізацыю Віктара Бабарыкі, паведамляе «Радыё Свабода».

"Бабарыка знаходзіцца ў хірургіі", - адзначылі медыкі.

«Сябры, учора з'явіліся чуткі, што Віктар Бабарыка знаходзіцца ў шпіталі Наваполацка. Мы здалелі пацвердзіць гэтую інфармацыю. На жаль, іншыя драбніцы пакуль невядомыя», - гаворыцца ў заяве.

26 красавіка з'явілася інфармацыя, што палітычнага вязня і былога кандыдата ў прэзідэнты Беларусі даставілі ў лякарню са шматлікімі цялеснымі пашкоджаннямі. Бабарыка, як паведамлялі крыніцы, быў настолькі моцна збіты, што лекары адразу яго нават не пазналі, пакуль не ўбачылі прозвішча.

Нагадаем, у 2021 годзе Вярхоўны суд прысудзіў экс-банкіра да 14 гадоў калоніі ўзмоцненага рэжыму.