Кошт нафты Brent упаў ніжэй за $42 упершыню з 2 ліпеня

Мінімальнае значэнне ў ходзе гандлёвай сесіі склала $41,91.

Кошт вераснёўскага ф'ючэрса нафты маркі Brent на лонданскай біржы ICE абрынуўся на 2,53%, да $42,17 за барэль на 18:20 паводле Менску, сведчаць звесткі таргоў. Мінімальнае значэнне ў ходзе гандлёвай сесіі склала $41,91, паведамляе РБК.

Ф'ючэрс на амерыканскую нафту маркі WTI з пастаўкай у жніўні упаў на 3,06%, да $39,65 за барэль.

Нафтавыя катыроўкі зніжаюцца праз боязь далейшага зніжэння попыту на паліва ва ўсім свеце праз паўторнае ўвядзенне карантынных абмежаванняў. Напярэдадні ЗША, якія з'яўляюцца найбуйнейшым спажыўцом нафты, паведамілі пра больш чым 60 тысяч новых выпадкаў захворвання COVID-19. Гэта самы вялікі прырост, зарэгістраваны ў краіне за адзін дзень. Паводле звестак агенцтва Reuters, за апошнія два тыдні колькасць выпадкаў захворвання каранавірусам узрасла ў 42 з 50 штатаў ЗША.

Акрамя таго, ф'ючэрсы нафты таксама працягнулі зніжэнне пасля апублікаваных напярэдадні звестак аб запасах нафты ў ЗША, рост якіх быў вышэйшы за чаканні. Запасы нафты ў краіне за тыдзень выраслі на 5,6 млн барэляў, у тым ліку за кошт росту чыстага імпарту з 2,9 млн да 5 млн. Барэляў у дзень. Паказчык чыстага імпарту вырас да максімальнага ўзроўню са жніўня 2019 года. Трэці тыдзень запар здабыча нафты ў ЗША засталася на ўзроўні 11 млн барэляў у дзень.

Пандэмія каранавіруса аказвае негатыўны ўплыў на сусветнае спажыванне, асабліва ў транспартным сектары. У Bank of America чакаюць, што сёлета попыт нафты ў свеце знізіцца прыкладна на 9,8 млн барэляў у дзень у параўнанні з мінулым годам, да 90 млн барэляў у дзень. Нізкія цэны нафты павінны негатыўна адбіцца на пастаўкі краін, якія не ўваходзяць у АПЕК, што прывядзе да рэзкага запаволення здабычы сланца і зніжэнне сусветнай здабычы за межамі АПЕК+.