Навукоўцы знайшлі ў мышэй здольнасць да стратэгічнага мыслення

Грызуны спрабуюць розныя падыходы, каб палепшыць вынік сваіх дзеянняў.

Амерыканскія навукоўцы з Універсітэта Джона Хопкінса ў Балтымары высветлілі, што мышы могуць наўмысна рабіць памылкі, каб знайсці найлепшы спосаб развязання праблемы. Гэта сведчыць пра іх здольнасць да стратэгічнага мыслення. Даследаванне апублікаванае ў навуковым часопісе Current Biology (CurBio).

Высновы спецыялістаў заснаваныя на эксперыменце, падчас якога грызунам трэба было круціць кола направа ці налева ў залежнасці ад гукавога сігналу. Калі яны рашалі задачу правільна, іх узнагароджвалі.

Даследнікі заўважылі, што падчас паўтарэння тэстаў мышы пасля любога з сігналаў крыху пракручвалі кола налева, а потым пачыналі круціць яго направа. Гэта здавалася памылковым дзеяннем, аднак жывёлы дзейнічалі мэтанакіравана.

Каб лепш зразумець матывацыю грызуноў, навукоўцы перасталі даваць ім узнагароды нават пасля дакладнага выканання задання. У адказ на гэта звяркі пачалі двойчы выконваць правільныя дзеянні ў наступных іспытах.

Каманда адзначыла, што такія мадэлі паводзінаў сведчаць пра здольнасць мышэй правяраць свой досвед і шукаць спосабы як найлепш справіцца з заданнем. Калі мыш бачыць неадпаведнасць дзеяння і выніку, яна мяняе стратэгію.