У Гомелі падлетак пайшоў у суд пасля таго, як маці назвала яго тоўстым

І перамог у справе.

У Гомелі жанчына выказала свайму сыну-падлетку, што ён занадта шмат важыць і яму варта менш есці, піша «Люстэрка».

Хлопчык на гэтыя словы пакрыўдзіўся і паабяцаў напісаць на маці заяву ў органы апекі.

Гэтага не стрываў прысутны пры гэтым айчым: ён схапіў хлапца за вуха і накруціў.

Падлетак сцвярджае, што яго яшчэ і ўдарылі, але дарослыя гэта аспрэчваюць.

Аднак хлопец з дапамогай свайго роднага бацькі здолеў атрымаць выснову экспертаў пра траўмы, і справа дайшла да суда.

Суддзя прызнала айчыма вінаватым у нанясенні лёгкіх цялесных пашкоджанняў. У выніку мужчыну аштрафавалі на 1200 рублёў.