«Уражвае»: Трамп падтрымаў дамову паміж КНДР і Паўднёвай Карэяй
4- 19.09.2018, 11:17
- 6,881
Прэзідэнт ЗША ацаніў захады для дэнуклеарызацыі Паўночнай Карэі.
Прэзідэнт ЗША Дональд Трамп заявіў, што ён вельмі натхнёны заявамі КНДР аб выніках саміту лідараў Паўночнай і Паўднёвай Карэі, паведамляе nv.ua.
У сябе ў Twitter ён назваў «вельмі ўражальнымі» дасягнутыя Кім Чэн Ынам і Мун Чжэ Інам дамоўленасці.
Kim Jong Un has agreed to allow Nuclear inspections, subject to final negotiations, and to permanently dismantle a test site and launch pad in the presence of international experts. In the meantime there will be no Rocket or Nuclear testing. Hero remains to continue being........
— Donald J. Trump (@realDonaldTrump) 19 сентября 2018 г.
....returned home to the United States. Also, North and South Korea will file a joint bid to host the 2032 Olympics. Very exciting!
— Donald J. Trump (@realDonaldTrump) 19 сентября 2018 г.
Трамп адзначыў, што Кім Чэн Ын пагадзіўся дапусціць на ядзерныя аб'екты міжнародных назіральнікаў, закрыць ядзерны палігон і пускавую пляцоўку, спыніўшы на іх выпрабаванні.
"Парэшткі амерыканскіх герояў працягнуць вяртацца ў ЗША, а Поўнач і Поўдзень пададуць супольную заяўку на правядзенне Алімпіяды 2032 года. Вельмі ўражвае", - рэзюмаваў Трамп.
18 верасня ў сталіцу КНДР Пхеньян з трохдзённым візітам прыбыў прэзідэнт Паўднёвай Карэі Мун Чжэ Ін.
Падчас супольнага з кіраўніком КНДР Кім Чэн Ынам саміту былі падпісаны некалькіх дамоў, дзякуючы якім у стасунках дзвюх краін наступіць "новая эра".
Акрамя таго, Кім Чэн Ын і Мун Чжэ Ін дамовіліся размарозіць перамовы аб дэнуклеарызацыі Карэйскай паўвыспы, якія раней прыпыніліся.
Таксама міністры абароны дзвюх Карэй падпісалі ўсёабдымнае пагадненне ў вайсковай сферы, якое накіраванае на зніжэнне напружанасці паміж дзвюма краінамі і прадухіленне выпадковых сутыкненняў.