Буданаў: Ціханоўская не зможа дапамагчы Украіне нават у тэорыі

Кіраўнік Офіса прэзідэнта Украіны пракаментаваў сітуацыю з пагрозамі Кіеву з боку рэжыму Лукашэнкі.

Кіраўнік Офіса прэзідэнта Украіны Кірыл Буданаў заявіў, што Святлана Ціханоўская не можа паўплываць на сітуацыю з магчымымі пагрозамі Украіне з боку Беларусі. Пра гэта чыноўнік распавёў падчас форуму «Архітэктура бяспекі», перадае журналіст LIGA.net.

Каментуючы тое, што апошнім часам у медыя нарастае інфармацыя пра пагрозы з боку Беларусі, Буданаў сказаў: «Глядзіце, мы павінны быць моцнымі і гатовымі да ўсяго — тады нікому ў галаву не палезуць дурныя думкі».

Ён таксама адзначыў, што для Украіны «ніколі лішняй не будзе» дапамога ад каго-небудзь, каб выключыць саму магчымасць любых правакацый.

«Ці зможа з гэтай задачай справіцца спадарыня Ціханоўская? Скажу чыста суб'ектыўнае меркаванне: не, не зможа нават тэарэтычна. Але яшчэ раз паўтару першы тэзіс: мы павінны быць моцнымі — і тады ўсё будзе нармальна. З намі будуць лічыцца, і ніхто глупстваў рабіць не будзе», — акцэнтаваў кіраўнік ОП.

Чыноўнік выказаў надзею, што Кіеў зможа «зрабіць правільныя крокі для таго, каб выключыць саму ідэю паўторнага прымянення і выкарыстання» беларускай тэрыторыі для ўзброенай агрэсіі супраць Украіны.

Новая заява Буданава прагучала неўзабаве пасля таго, як 25 мая Ціханоўская здзейсніла першы афіцыйны візіт у Кіеў, дзе, у прыватнасці, сустрэлася з прэзідэнтам Уладзімірам Зяленскім.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]