Беларус усталяваў абсалютны сусветны рэкорд у гіравым жыме
4- 1,528
64-гадовы Вячаслаў Харанека падняў гіру 205 разоў за пяць хвілін
Легенда гіравога спорту Вячаслаў Харанека устанавіў абсалютны афіцыйны сусветны рэкорд у беларускім жыме. Гэта адбылося на Міжнародным фестывалі «Брыльянтавая рысь» па сілавых відах спорту.
Як паведамляе прэс-служба Нацыянальнага алімпійскага камітэта (НАК) Беларусі, знакаміты атлет левай рукой лежачы пры абмежаванні часу 5 хвілін падняў 24-кілаграмовую гіру 205 разоў.
Гэта на два пад’ёмы больш за яго папярэдні рэкорд, устаноўлены ў 2024 годзе.
НАК таксама нагадаў, што цяпер беларускія сілачы рыхтуюцца да асноўнага старту – этапу Кубка свету (World Cup Belarus Series 2026), які ўпершыню пройдзе ў нашай краіне.
У межах турніру будуць прадстаўлены дысцыпліны паўэрліфцінг, сілавое двухбор’е, прысяданні, жым лежачы і іншыя.
Спаборніцтвы адбудуцца ў Мінску 8–10 мая 2026 года на «Чыжоўка-Арэне» і збяруць мацнейшых атлетаў паводле версій WRPF/WEPF і іншых федэрацый.
На рахунку ўраджэнца Бабруйска Вячаслава Харанека 89 афіцыйна зарэгістраваных сусветных рэкордаў у розных практыкаваннях з гірамі.
Шэсць з гэтых дасягненняў уключаныя ў Кнігу рэкордаў Гінеса.
У 1998 годзе атлет падняў 16-кілаграмовую гіру адной рукой 18 108 разоў за суткі.
У 2005-м у рамках 60-годдзя Перамогі ён зноў стаў рэкардсменам, здолеўшы на працягу двух сутак 6160 разоў падняць бочку вагой 40 кг.
За сваю доўгую кар’еру Вячаслаў Харанека нават выконваў 100 пад’ёмаў 32-кілаграмовай гіры за 10 хвілін у шпагатзе. Як ён кажа, з мэтай папулярызацыі гіравога спорту для масавага гледача.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
