Сумку з ДНК тыраназавра выставілі ў музеі
2- 6.04.2026, 11:51
- 1,932
Яе кошт — больш за $500 тысяч.
У музеі ArtZoo Museum прадставілі незвычайны экспанат — бірузовую сумку, створеную з выкарыстаннем бялкоў, атрыманых з рэштак Tyrannosaurus rex. Аб’ект выставілі пад макетам дыназаўра і будзе ў экспазіцыі да 11 мая, пасля чаго яго плануюць прадаць на аўкцыёне са стартавай цаной больш за $500 тысяч. Пра гэта паведамляе партал De Telegraaf.
Як сцвярджаюць аўтары праекта, для стварэння матэрыялу выкарысталі невялікія фрагменты бялкоў (калагену), вылучаныя з выкапнёвых рэштак. З дапамогай генетычных тэхналогій іх «убудавалі» ў клеткі жывёл, якія пачалі выпрацоўваць калаген. Потым яго перапрацавалі ў матэрыял, які нагадвае скуру.
Праект рэалізаваны пры ўдзеле кампаній The Organoid Company, VML і Lab-Grown Leather Ltd. Паводле распрацоўшчыкаў, праца дэманструе патэнцыял «вырошчанай» скуры як больш экалагічнай альтэрнатывы традыцыйнай гарбарнай вытворчасці.
Аднак навуковая супольнасць паставілася да ідэі скептычна. Некаторыя палеантолагі адзначаюць, што калаген у косцях дыназаўраў захоўваецца толькі ў выглядзе вельмі кароткіх фрагментаў. Акрамя таго, падкрэсліваецца, што такія бялкі паходзяць з касцяной тканіны, а не са скуры, таму яны не ўтрымліваюць складанай структуры, якая робіць скуру трывалай і эластычнай.
Тым не менш аўтары праекта прызнаюць крытыку, але лічаць яе натуральнай часткай навуковага працэсу. Паводле іх слоў, гэта, верагодна, самы блізкі на сёння падыход да стварэння матэрыялу, «натхнёнага» дыназаўрамі.
Фактычна гаворка ідзе не пра сапраўдную «скуру дыназаўра», а пра біяматэрыял, створаны на аснове старажытных бялкоў, — і менавіта вакол гэтай мяжы паміж навукай і маркетынгам цяпер разгортваецца галоўная дыскусія.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
