Ва Украіне адхілілі датычнасць да выбухоўкі каля газаправода, што ідзе ў Венгрыю

Кіеў намякнуў на Расію.

Украіна адмаўляе датычнасць да інцыдэнту з выбухоўкай каля газаправода, што ідзе ў Венгрыю. Пра гэта напісаў у сацсетцы X спікер МЗС Украіны Георгій Ціхі. У той жа час міністр замежных спраў Венгрыі Петер Сіярта дапусціў «украінскі след» у нібыта сарванай дыверсіі на газаправодзе ў Сербіі, піша мясцовае выданне Index.

У МЗС заявілі, што не маюць дачынення да таго, што адбылося, і дапусцілі, што можа ісціся пра правакацыю з боку Расіі «пад чужым сцягам».

«Мы катэгарычна адкідваем спробы ілжыва звязаць Украіну з інцыдэнтам з выбухоўкай, выяўленай каля газаправода «Турэцкі паток» у Сербіі. Украіна не мае да гэтага ніякага дачынення. Найбольш верагодна, што гэта аперацыя Расіі «пад чужым сцягам» у межах актыўнага ўмяшання Масквы ў выбары ў Венгрыі», — напісаў Георгій Ціхі.

Міністр замежных спраў Венгрыі Петер Сіярта не выключыў, што да нібыта прадухіленай дыверсіі на газаправодзе ў Сербіі можа быць датычная Украіна:

«Раней украінцы падарвалі «Паўночны паток». Пасля выбухаў яны доўга казалі, што гэта Расія — што нелагічна, бо навошта Расіі падрываць уласныя газаправоды, — заявіў Петер Сіярта. — За апошнія тыдні дзясяткі беспілотнікаў бесперапынна атакоўвалі газаправод «Турэцкі паток» на тэрыторыі Расіі, па якім прыродны газ паступае ў Венгрыю, а цяпер прадухілены сербамі тэрарыстычны акт з’яўляецца часткай серыі такіх атак».

Нагадаем, у Сербіі каля газаправода, што ідзе ў Венгрыю, выявілі выбухоўку. Пра знаходку паведаміў прэзідэнт Сербіі Аляксандар Вучыч, пазней гэтую інфармацыю пацвердзіў прэм’ер-міністр Венгрыі Віктар Орбан. Абставіны інцыдэнту цяпер высвятляюцца.

Газаправод паміж Сербіяй і Венгрыяй функцыянуе як працяг другой веткі «Турэцкага патоку» («Балканскі паток»), па ім газ ідзе з Расіі ў Турцыю праз Балгарыю, Сербію і Венгрыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]