Сузаснавальніца «Лабараторыі Касперскага» абвінаваціла Раскамнагляд у «абвале рунэта»

Пасля званка кіраўніка ведамства яна адмовілася ад сваіх слоў.

Прэзідэнт IT-кампаніі InfoWatch Наталля Касперская заявіла, што 3 красавіка «ў парыве барацьбы з абыходам блакіровак» Раскамнагляд «абваліў палову сэрвісаў рунэта», маючы на ўвазе маштабны збой у працы найбуйнейшых банкаў і сістэмы хуткіх плацяжоў (СБП). «Не, гэта не варожы налёт і не атака знешніх актараў або злых замежных хакераў. Гэта — наш родны РКН нарэшце ўзяўся па-даросламу змагацца з сэрвісамі тунэлявання і абароны трафіку, таксама вядомымі як VPN», — напісала Касперская ў тэлеграм-канале раніцай у суботу.

Яна адзначыла, што тэхнічнай магчымасці заблакаваць VPN, не парушыўшы працу ўсяго інтэрнэту, няма, раскрытыкавала дзеянні РКН, а таксама заклікала расіян рабіць «скрыны цікавых сайтаў», здымаць «па-максімуме наяўныя» і рыхтавацца «слухаць паведамленні па радыё пра знешніх ворагаў», перадае The Moscow Times.

Аднак ужо ўвечары Касперская заявіла, што «пагаварыла» з кіраўніком Раскамнагляду Андрэем Ліпавым наконт свайго ранішняга паста, і той «падрабязна, з прыкладамі растлумачыў, чаму ўчарашні збой не быў выкліканы менавіта дзеяннямі РКН». У сувязі з гэтым яна вырашыла «папрасіць прабачэння ў паважанага ведамства» за свае «паспешныя высновы».

Пад пастом карыстальнікі раскрытыкавалі Касперскую за «паварот на 180 градусаў» пасля «інструктажу» ад Ліпава, і тады на яе абарону кінуўся муж, IT-прадпрымальнік Ігар Ашманаў, які быў даверанай асобай Уладзіміра Пуціна на выбарах 2024 года, а цяпер уваходзіць у Савет па правах чалавека пры прэзідэнце. Ён заявіў, што ў каментарыях поўна «украінскіх ботаў», і распавёў пра візіты Ліпава да яго з жонкай на дачу, адзначыўшы, што гэты чалавек «не можа сабе дазволіць хлусіць».

Раскамнагляд актывізаваў зачыстку рунэта ад негатыву на свой адрас на фоне ўзмацнення інтэрнэт-блакіровак у краіне. Ведамства пачало патрабаваць ад СМІ і тэлеграм-каналаў выдаляць публікацыі, у якіх яно паўстае вінаватым у буйных збоях або недастаткова эфектыўным цэнзарам.

Так, РКН запатрабаваў ад Forbes прыбраць матэрыял, дзе крыніцы выдання казалі, што прычынай абвалу банкаўскіх сэрвісаў 3 красавіка стала «перанапружанне» тэхнічных сродкаў процідзеяння пагрозам (ТСПУ), якія не спраўляюцца з «мноствам блакіровачных правілаў і падаюць пад нагрузкай». Аналагічныя інструкцыі атрымалі праўладныя тэлеграм-каналы Mash і «Двач». У паведамленні ад РКН гаварылася, што публікацыя такой інфармацыі «накіравана на дэстабілізацыю грамадска-палітычнай абстаноўкі» ў Расіі.

Да гэтага рэгулятар накіраваў падобныя патрабаванні каналу «Астярожна, навіны», падкантрольнаму Ксеніі Сабчак. Тады ведамству не спадабаўся пераказ яшчэ аднаго артыкула Forbes пад назвай «Абход на сервер: Раскамнагляду становіцца цяжэй блакаваць інтэрнэт-рэсурсы».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]