У Беларусі татальна забараняюць заязджаць у лясы

Адкрыты толькі адзін раён.

Толькі адзін раён Беларусі застаецца свабодным ад абмежаванняў і забаронаў на наведванне лясоў — гэта вынікае з інтэрактыўнай карты на сайце Мінлясгаса.

Асноўная прычына забаронаў — высокая верагоднасць пажараў.

Пакуль без абмежаванняў застаецца толькі Расонскі раён.

Астатнія тэрыторыі на карце пазначаныя жоўтым або чырвоным колерам. Жоўты азначае абмежаванні. Яны дзейнічаюць у 63 раёнах.

У такой сітуацыі нельга заязджаць у лес на асабістым транспарце і распальваць там вогнішчы. Прагульвацца пешшу можна. Не абмяжоўваюць беларусаў і ў зборы грыбоў або ягад у такіх лясах.

Цяпер закрытыя 54 раёны Беларусі. На карце яны пазначаныя чырвоным колерам.

У такім выпадку наведваць лясы катэгарычна забаронена, у тым ліку для прагулак.

Адпачынак на прыродзе і падобныя дзеянні таксама пад забаронай.

У лясны масіў можа ўехаць толькі спецыяльны лясагаспадарчы транспарт.

За парушэнне беларусам пагражае «адміністратыўка».

Спецыялісты могуць зрабіць як вуснае папярэджанне, так і аштрафаваць да 12 базавых велічынь (540).

Калі ж лесу нанесена шкода, то памер штрафу павялічваецца да 30 базавых (1350).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]