У Малі FPV-дроны паўстанцаў разграмілі лагер «Афрыканскага корпуса» РФ
5- 1.04.2026, 11:10
- 4,224
Супраць расійскіх наймітаў правялі тайную аперацыю.
У Малі паўстанцы-туарэгі атакавалі лагер наймітаў «Афрыканскага корпуса» Расійскай Федэрацыі, паведаміла прэс-служба Фронту вызвалення Азавада. На відэа з месца падзей фігуруюць FPV-дроны, якія незаўважна пракраліся ў лагер. Да гэтага паўстанцы распавялі, як расіяне разбурылі інфраструктурны аб’ект пасярод пустыні. Што адбылося з расійскімі баевікамі ў Малі, на адлегласці 5 тысяч кіламетраў ад РФ?
Удзень 30 сакавіка адбылася тайная аперацыя супраць урадавых войскаў і «іх саюзнікаў», гаворыцца ў паведамленні прэс-службы паўстанцаў Азавада ў сацсетцы X. Пры гэтым на партале Tanakra ўдакладнілі, што ідзе гаворка пра наймітаў «Афрыканскага корпуса» РФ, які ваюе з туарэгамі ў Малі. Удар адбыўся каля населенага пункта Анефі ў рэгіёне Кідаль. Пасля атакі над лагерам падняўся слуп дыму. Пры гэтым заяўляюць, што ўдар нанеслі не толькі дронамі, але і ракетамі. У сетцы з’явіліся кадры пападання па расіянах. Бачна, што відэа транслюецца FPV-дронам, які ўрэзаецца ў абраную мэту, без праблем пранікнуўшы ў лагер.
#Mali / #Russia 🇲🇱🇷🇺: “Azawad Liberation Front” (#FLA) struck “Malian Army” and “Russian Africa Corps” position in #Kidal.#Azawad militants apparently used an FPV Kamikaze Drone armed with a possible PG-7V pattern HEAT (Anti-Tank) RPG warhead. pic.twitter.com/OCiCVe6B9n
— War Noir (@war_noir) March 31, 2026
Фронт вызвалення Азавада — гэта паўстанцы, якія дзейнічаюць супраць урадавых сіл на поўначы Малі. Прэс-служба нагадала, што ў сакавіку адбылося сем атак на лагеры «Афрыканскага корпуса», які дзейнічаў сумесна з малійскай арміяй. У акаўнце X Фронту публікуюць інфармацыю пра дзейнасць расійскіх наймітаў. Адно з апошніх злачынстваў, як сцвярджаюць паўстанцы, — гэта знішчэнне студні ў адным з пустынных раёнаў краіны.
The traces left by the Wagner Group after they passed through and destroyed the Terist well on March 30, 2026.#Wagner #Azawad #Mali #War pic.twitter.com/xqvT18jzMB
— Agence de Presse et Médias de l’Azawad (@apmazawad) March 31, 2026
Тым часам мілітарны партал Defense Blog падаў дадатковыя падрабязнасці траплення FPV-дрона па лагеры расіян. Выявілася, што пасля ўдару пачаліся другасныя выбухі, паколькі здэтанаваў склад боепрыпасаў. Таксама ўдакладняецца, што ў нападзе маглі выкарыстоўваць тры FPV-дроны. Журналісты напісалі, што паўстанцы ваююць з добра ўзброеным «Афрыканскім корпусам», які для вядзення баявых дзеянняў выкарыстоўвае бранятэхніку (напрыклад, БМП-3) і верталёты (Мі-8).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
