Катар збіў іранскія бамбавікі за дзве хвіліны да ўдару па амерыканскай авіябазе

На авіябазе Эль-Удэйд звычайна дыслакуецца каля 10 тысяч амерыканскіх вайскоўцаў.

ВПС Катара збілі іранскія бамбавікі ўсяго за некалькі хвілін да ўдару па найбуйнейшай вайсковай базе, дзе дыслакаваныя амерыканскія войскі на Блізкім Усходзе. Пра інцыдэнт, што адбыўся ў панядзелак, піша (CNN https://edition.cnn.com/2026/03/04/middleeast/qatar-downs-iran-bombers-us-base-intl) са спасылкай на свае крыніцы.

Паводле выдання, Іран накіраваў два тактычныя бамбавікі Су-24 да авіябазы Эль-Удэйд, дзе звычайна размяшчаецца 10 тысяч амерыканскіх вайскоўцаў, і да Рас-Лаффана — ключавога газаперапрацоўчага завода і асновы катарскай эканомікі.

Паводле слоў адной з крыніц, іранскія знішчальнікі знаходзіліся «за дзве хвіліны» ад сваіх мэтаў. Другая крыніца паведаміла CNN, што самалёты былі візуальна ідэнтыфікаваныя і сфатаграфаваныя «з бомбамі і кіраванымі боепрыпасамі».

Паведамляецца, што самалёты ішлі на звышнізкай вышыні, каб пазбегнуць выяўлення радарамі, і не адказвалі на радыёпапярэджанні.

З-за «абмежаванняў па часе» і «на падставе наяўных доказаў» самалёты былі «класіфікаваныя як варожыя», пасля чаго катарскі знішчальнік F-15 уступіў у бой і збіў абодва самалёты.

Іранскія самалёты ўпалі ў тэрытарыяльныя воды Катара, вядуцца пошукі экіпажаў.

Як адзначае CNN, гэтая атака стала першым выпадкам выкарыстання пілотаваных лятальных апаратаў для нанясення ўдараў па суседняй краіне пасля смерці Хаменеі — і першым выпадкам удзелу ВПС Катара ў паветраным баі.

Генерал Дэн Кейн, старшыня Аб’яднанага камітэта начальнікаў штабоў ЗША, пацвердзіў інцыдэнт на брыфінгу ў сераду, не ўдакладніўшы мэту іранскіх бамбавікоў.

«Катарскія знішчальнікі ўпершыню збілі два іранскія бамбавікі, што накіроўваліся да месца прызначэння», — заявіў ён на брыфінгу ў Пентагоне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]