Камітэт па абароне журналістаў патрабуе вызваліць кіраўніцтва Intex-Press

CPJ звярнуўся да беларускіх уладаў.

Міжнародная арганізацыя «Камітэт па абароне журналістаў» (CPJ) заявіла, што шакаваная прысудамі дырэктару і галоўнаму рэдактару рэгіянальнага выдання Intex-Press Уладзіміру Янукевічу і намесніку дырэктара Андрэю Пакаленку.

27 лютага Беларуская асацыяцыя журналістаў паведаміла пра вынясенне прысуду былым кіраўнікам незалежнага выдання з Баранавіч. Іх затрымалі ў снежні 2024 года і абвінавацілі ў «дзяржаўнай здрадзе». Янукевіч атрымаў 14 гадоў пазбаўлення волі, Пакаленка — 12 гадоў. Судовы працэс праходзіў у закрытым рэжыме, таму дэталі абвінавачванняў не раскрываюцца.

«Гэты прысуд накіраваны на ўзмацненне атмасферы запалохвання вакол незалежных СМІ ў краіне. Улады павінны неадкладна вызваліць Янукевіча, Пакаленку і ўсіх журналістаў, якія знаходзяцца ў зняволенні», — заявіла старшая навуковая супрацоўніца CPJ па Еўропе і Цэнтральнай Азіі Ганна Браха.

У CPJ паведамілі, што накіравалі электронны зварот у Следчы камітэт Беларусі з просьбай пракаментаваць справу, аднак адказу не атрымалі.

Камітэт па абароне журналістаў — міжнародная недзяржаўная арганізацыя з штаб-кватэрай у Нью-Ёрку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]