У Беларусі перастаў працаваць сэрвіс анлайн-продажу білетаў на аўтобусы

Следам за сеткай зарадных станцый Malanka.

Часова перастаў працаваць сэрвіс анлайн-продажу білетаў Infobus. У выніку пошук і набыццё білетаў праз інтэрнэт сталі недаступныя.

Чытач выдання Tochka.by паскардзіўся: «З ночы не магу купіць білет праз „Infobus“. Цяпер давядзецца ехаць на аўтавакзал і стаяць у чарзе».

Прычынай збою стала аварыя на воблачнай платформе, з-за якой раней таксама часова выйшла з ладу сетка зарадных станцый Malanka.

«Мы вымушаныя паведаміць, што, паводле інфармацыі кампаніі МТС, у выніку аварыйнай сітуацыі на абсталяванні воблачнай платформы Huawei адбыўся часовы збой у працы сэрвісу infobus.by. Пошук і набыццё білетаў часова недаступныя. Цяпер вядуцца работы па ліквідацыі гэтай сітуацыі. Поўнае аднаўленне функцыянальнасці можа заняць пэўны час», — заявілі прадстаўнікі платформы.

Карыстальнікам таксама нагадалі, што раней набытыя білеты накіроўваюцца на электронную пошту, указаную пры афармленні замовы, і параілі правяраць папку «Спам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]