Беларускія банкі будуць сачыць за ўсімі аперацыямі кліентаў

Беларусы перайдуць на наяўныя?

Беларускія банкі будуць сачыць за ўсімі аперацыямі кліентаў з 1 ліпеня 2026 года. Падрабязнасці – навошта і як гэта будзе адбывацца – распавёў намеснік старшыні Нацбанка Андрэй Картун.

Справа ў тым, што з 1 ліпеня 2026 года ў Беларусі ўступяць у сілу адзіныя патрабаванні да антыфрод-сістэм банкаў краіны. І ключавым з іх стане абавязковае выкарыстанне лічбавага адбітка. Гэта значыць, антыфрод-сістэма будзе правяраць кожны пераказ кліента па шэрагу прыкмет — напрыклад, ці выкананы ён са звыклай прылады, з якой заўсёды ажыццяўляўся ўваход у мабільны банк, ці задзейнічана новая прылада; геалакацыю месца, з якога зайшлі ў мабільны банк; і тыповасць аперацый, што здзяйсняе кліент.

Калі пры аналізе гэтых фактараў антыфрод-сістэма выявіць адхіленні ад звычайных параметраў, то аперацыя будзе пазначана як падазроная і аўтаматычна будзе заблакіравана, пасля чаго да працэсу далучыцца служба бяспекі банка. І толькі пасля паспяховага праходжання яе праверкі аперацыя будзе выканана.

«Па ацэнцы Нацбанка, укараненне з 1 ліпеня 2026 года адзіных патрабаванняў да антыфрод-сістэм банкаў і абавязковае выкарыстанне лічбавага адбітка прылады прывядуць да скарачэння колькасці інцыдэнтаў у сферы кібермахлярства», – патлумачыў Андрэй Картун.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]