«А грашыма — не?»: беларуска паказала прадукты, якія мужу на працы падарылі да Вялікадня
4- 31.03.2026, 15:48
- 3,014
Меркаванні падзяліліся.
Беларуска Таццяна паказала ў TikTok прадуктовы набор, які выдалі на працы яе мужу, супрацоўніку Слуцкага сыраробнага камбіната, у падарунак да Вялікадня. Каментатары па-рознаму адрэагавалі на распакаванне, піша «Зеркало».
«Далі мужу да Вялікадня падарунак ад працы», — расказала жанчына і прадэманстравала чатыры пакеты з лагатыпам «Ясь Белоус» — гандлёвай маркі Слуцкага сыраробнага камбіната.
Судзячы па відэа, работніку прадпрыемства сярод іншага dastаліся пяць палак мясных вырабаў, тэтрапак з малаком, пара бутэлек малочных кактэйляў, 10 пачак масла, чатыры кавалкі рознага сыру, некалькі ўпакоўкаў тварагу і шэсць слоікаў сметаны. Жанчына патлумачыла, што такія наборы «даюць да кожнага свята».
@tany130 #слуцкий#слуцкийсыродельныйкомбинат #слуцк ♬ Jogi - Panjabi MC
У каментарыях адны пахвалілі падарункі, іншыя аддалі б перавагу атрымаць замест прадуктаў грошы:
«Відна, што працадаўца цэніць сваіх супрацоўнікаў. Рэспект і павага такім людзям. Многім варта ў яго павучыцца».
«Усё ў справу пойдзе, выдатныя падарункі».
«Нам зарплату далі, і на тым дзякуй!»
«Падарункі да Вялікадня — нешта неверагоднае для мяне. Так шмат усяго, добрыя падарункі».
«Працадаўца з павагай ставіцца да сваіх работнікаў. Малайчына».
«Навошта столькі, лепш грашыма».
«Нічога сабе, у нас толькі навагоднія цукеркі і то не ўсім».
«А грашыма — не?»
«Можна не адну сям'ю пракарміць».
«Так да свята яшчэ два тыдні», — здзівілася адна карыстальніца, відаць, маючы на ўвазе, што праваслаўныя адзначаюць Вялікдзень 12 красавіка (католікі — у бліжэйшыя выхадныя, 5 красавіка). Яна ў жарт дапусціла, што «да праваслаўнай яшчэ пакетаў падораць».
Аднак аўтарка відэа патлумачыла, што «яны заўсёды раней даюць».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
