МАП патрабуе вярнуць пашпарты Фядынічу і Ярашуку

І аднавіць выплату пенсій.

30 сакавіка ў Жэневе адбылося пасяджэнне Кіраўнічага органа МАП, які другі раз з лістапада 2025 года разгледзеў сітуацыю з правамі працоўных у Беларусі. На лістападаўскім пасяджэнні былі пералічаныя шматлікія парушэнні, у тым ліку парушэнні свабоды незалежных прафсаюзаў, і вылучаныя рэкамендацыі па паляпшэнні сітуацыі, перадае «Радыё Свабода».

На пасяджэнні таксама разглядалася пытанне пра беларускіх прафсаюзных лідараў — Аляксандра Ярашука і Генадзя Фядыніча, якіх улады летась вызвалілі з-пад варты, але дэпартавалі з краіны, пазбавіўшы пенсій.

Паводле слоў Ярашука, ліст беларускага ўрада ў МАП, у якім гаворыцца, што яго пашпарт нібыта «невядома дзе» і што ён пазбаўлены пенсіі за нібыта «здзейсненае злачынства супраць дзяржавы», нікем не падпісаны. «Гэты ліст нікем не падпісаны — так яны робяць, калі адказваюць міжнародным структурам. Але мне ясна, што Міністэрства працы падрыхтавала і накіравала адказ ад імя ўрада», — заявіў Аляксандр Ярашук.

Рада МАП адрэагавала на справу Ярашука і Фядыніча наступным запісам у выніковай рэзалюцыі сесіі 30 сакавіка: «Рада з найвялікшай заклапочанасцю адзначыла адмову беларускага ўрада вярнуць канфіскаваныя пашпарты спадарам Ярашуку і Фядынічу і аднавіць выплату іх пенсій, і заклікала ўрад зрабіць гэта без далейшых затрымак».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]