«Гэта норма для Мінска»

Экспертка заўважыла змены на рынку нерухомасці ў Мінску.

На рынку жылля ў Мінску назіраецца даволі спакойная сітуацыя, — адзначае экспертка па нерухомасці Наталля Літоўская у сваім тэлеграм-канале. Яна звязвае такую абстаноўку з двума фактарамі: першы — высокія цэны на жыллё, другі — недастатковая колькасць новых бюджэтных прапаноў на рынку.

«На 31 сакавіка ў базу НКА (Нацыянальнае кадастравае агенцтва. — Заўв. рэд.) загружана 1147 здзелак з кватэрамі, пакоямі і долямі ў Мінску», — адзначае экспертка.

Паводле яе слоў, у базу НКА яшчэ будзе дазагружацца інфармацыя пра куплю і продаж жылля, але «чыстых» здзелак з кватэрамі будзе каля 1150.

«Гэта не леташні ажыятаж, а норма для Мінска. Праўда, такая «норма» назіралася пры перманентных праблемах з даступнасцю крэдытаў або пры рэзкіх падзеннях даходаў насельніцтва ў валюце, — удакладняе Наталля Літоўская. — Пры агульным дабрабыце млявасць рынку можна растлумачыць найперш высокім узроўнем цэн і слабым выхадам на рынак новых бюджэтных прапаноў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]