Камісія парламента Ірана адобрыла ўвядзенне пошлін для суднаў у Армузскім праліве

Іран заблакаваў праліў пасля пачатку вайсковай аперацыі ЗША і Ізраіля.

Камісія парламента Ірана ўхваліла папярэдні праект закона аб судаходстве ў Армузскім праліве. У яго палажэннях ёсць пункт пра грашовыя зборы за праход праз марскі калідор. Пра гэта піша Fars са спасылкай на члена камісіі.

Праект таксама ўключае пункты пра:

рэгуляванне ў галіне мер бяспекі ў праліве;

бяспеку судаходства;

пытанні экалогіі;

забарону на праход праз праліў суднам, звязаным з ЗША або Ізраілем;

забарону на праход праз праліў суднам тых краін, якія ўдзельнічаюць у аднабаковых санкцыях супраць Ірана, і іншае.

Паводле звестак Bloomberg, да 80% танкераў, што праходзілі Армузскі праліў у сакавіку, належалі Ірану або сяброўскім яму краінам. Большасць з іх праходзілі праз марскі калідор па ўзгодненых з Тэгеранам маршрутах і трымаліся бліжэй да іранскага ўзбярэжжа. Мяркуецца, што Іран увядзе плату за праход праз свае тэрытарыяльныя воды. Судны абавяжуць загадзя аплачваць транзіт.

Іран заблакаваў Армузскі праліў пасля пачатку вайсковай аперацыі ЗША і Ізраіля супраць рэспублікі 28 лютага. У сакавіку Іран дазволіў карыстацца маршрутам сяброўскім краінам, у тым ліку Расіі, Індыі, Кітаю і Тайланду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]