Рубіо назваў мэты ЗША ў Іране
2- 30.03.2026, 22:03
- 1,656
Дзяржсакратар ЗША адвёў на іх дасягненне «тыдні».
Мэты ЗША ў ваеннай аперацыі супраць Ірана былі агучаныя адразу і з таго часу не змяніліся: разбіць ваенна‑паветраныя і ваенна‑марскія сілы Ірана, знішчыць вытворчасць ракет і беспілотнікаў у краіне, а таксама значна скараціць колькасць пускавых установак для ракет, — паведаміў тэлеканалу ABC дзяржсакратар ЗША Марка Рубіо.
«Усе гэтыя мэты выконваюцца своечасова або з апярэджаннем графіка, і мы зможам дасягнуць іх на працягу некалькіх тыдняў», — сказаў дзяржсакратар ЗША.
Падчас інтэрв’ю Рубіо двойчы назваў мэты ЗША. У канцы ён пацвердзіў тое, пра што казаў спачатку, патлумачыўшы, што Вашынгтон выразна ўяўляе свае задачы.
«Я паўтару іх цяпер, бо чую шмат размоў, што ў нас нібыта няма выразных мэт. Вось яны, можаце запісваць. Першае — знішчэнне іх ваенна‑паветраных сіл. Другое — знішчэнне іх флоту. Трэцяе — рэзкае зніжэнне іх ракетнага патэнцыялу, іх пускавых установак. І чацвёртае — знішчэнне іх заводаў, каб яны не маглі вырабляць новыя ракеты і новыя дроны, каб пагражаць нам у будучыні», — падкрэсліў ён.
Рубіо адзначыў, што ўсе гэтыя мэты служаць таму, каб Іран не мог «схавацца» за ваеннай сілай і «атрымаць ядзерную зброю».
«Мы ідзём паводле плана і па некаторых напрамках нават апярэджваем графік і дасягнём гэтых мэт за некалькі тыдняў, а не за месяцы», — запэўніў дзяржсакратар.
Адказваючы на пытанне пра працяглыя перамовы з Іранам, Рубіо паведаміў, што прэзідэнт Дональд Трамп не пакідае спроб вырашыць канфлікт дыпламатычным шляхам. Дзяржсакратар не ўдакладніў, з кім менавіта з уладаў Ісламскай Рэспублікі амерыканскі лідар вёў перамовы, аднак паведаміў, што ў іранскім грамадстве адбыўся раскол.
«Там ёсць людзі, якія таемна кажуць правільныя рэчы. Натуральна, яны не выносяць свае погляды ў публічную прастору. Але нам трэба, каб у рэшце рэшт менавіта яны апынуліся пры ўладзе», — сказаў Рубіо.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
