Зяленскі: Няхай Расія здаецца, мы — не будзем

Новыя падрабязнасці перамоваў Украіны з арабскімі краінамі.

Украіна гатовая аказаць частковую дапамогу ў разблакіраванні Армузскага праліву, над чым цяпер працуюць ЗША. Пра гэта прэзідэнт Уладзімір Зяленскі сказаў, адказваючы анлайн на пытанні журналістаў у панядзелак, паведамляе «Еўрапейская праўда».

Прэзідэнт адзначыў, што ў межах свайго візіту па краінах Блізкага Усходу абмяркоўваў патэнцыйную падтрымку з боку Украіны разблакіравання Армузскага праліву.

«Мы ўздымалі гэтае пытанне, бо яно балючае і актуальнае для ўсяго свету, бо існуе энергетычны крызіс. Яны ведаюць, што могуць разлічваць на нашу экспертызу ў гэтым напрамку. Мы падрабязна пра гэта гаварылі, дзяліліся вопытам чарнаморскага калідора, як ён функцыянуе», — сказаў Зяленскі.

Ён дадаў, што ў суразмоўцаў было разуменне таго, што Узброеным сілам Украіны ўдалося эфектыўна разблакіраваць гандлёвы шлях у Чорным моры.

Прэзідэнт Украіны падкрэсліў, што пытаннем Армузскага праліву перш за ўсё займаюцца ЗША, і Украіна ў разе неабходнасці гатовая падтрымаць гэтыя намаганні.

Таксама Уладзімір Зяленскі паведаміў, што падчас візіту на Блізкі Усход абмяркоўваліся пытанні паставак ракет для сістэмы Patriot ва Украіну.

«Дэфіцыт PAC-3 у свеце, перадусім ва Украіне, ніколі не заканчваўся. Вы ведаеце, што агульная вытворчасць складае каля 60 ракет у месяц. Ёсць важныя крокі на тэрыторыі еўрапейскага кантынента па павелічэнні вытворчасці. Але і гэтае павелічэнне не вырашыць праблему», — падкрэсліў ён.

Паводле слоў прэзідэнта, партнёры накіроўваюць супрацьбалістычныя ракеты перш за ўсё на Блізкі Усход.

«На жаль, часам забываюць пра Украіну. Але мы ўсім нагадваем і ўдзячныя партнёрам, якія нас чуюць. У краінах Блізкага Усходу гэтае пытанне ўздымалася. Падрабязнасцямі дзяліцца не буду. Будзем працаваць над тым, каб Украіна была забяспечаная ў гэтым напрамку.

Але, калі шчыра, свету, а не толькі Украіне, трэба як мага хутчэй шукаць альтэрнатыву. Мы вядзём перамовы з двума краінамі, каб такая магчымасць з’явілася. Калі будзе вынік — тады ўжо скажу», — дадаў прэзідэнт Украіны.

Таксама ён адзначыў, што ягонай краіне варта зрабіць усё, каб у яе былі ўласныя супрацьракетныя сістэмы.

Яшчэ адной тэмай сталі мірныя перамовы. Паводле слоў Зяленскага, каб яны не зайшлі ў тупік, неабходна арганізаваць трохбаковую сустрэчу і працягваць дзейнічаць дыпламатычным шляхам.

«Я не лічу, што ў нас ёсць тупік. Тупік, пасля якога што нам усім рабіць? Здацца, расслабіцца? Няхай Расія здаецца, мы — не будзем. Мы павінны арганізаваць трохбаковую сустрэчу і павінны ісці далей дыпламатычным шляхам», — сказаў Зяленскі журналістам.

Як раней падкрэсліваў Зяленскі, Украіна гатовая праводзіць далейшыя мірныя перамовы дзе заўгодна, акрамя Расіі і Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]