Параза Орбана можа быць яшчэ больш разгромнай

Венгерская апазіцыя лідзіруе нават у акругах, дзе «Фідэс» рэгулярна перамагала.

Апазіцыйная партыя «Ціса» мае высокія шанцы перамагчы шматгадовых дэпутатаў ад правячай партыі «Фідэс» у шэрагу выбарчых акругаў, дзе раней кандыдаты ад партыі Віктара Орбана рэгулярна перамагалі з высокімі вынікамі.

Пра гэта сведчаць вынікі апытанняў Даследчага цэнтра 21 па замове партыі «Ціса», паведамляе «Еўрапейская праўда».

Згодна з апублікаванымі дадзенымі, кандыдаты ад апазіцыі лідзіруюць нават у некаторых акругах, дзе чатыры гады таму прадстаўнікі «Фідэс» атрымлівалі ўпэўненую перамогу з вынікам больш за 50% галасоў.

Сітуацыя несуцяшальная для кандыдатаў партыі Віктара Орбана ў гарадах Бая, Секешфегервар, Мішкольц, Печ, а таксама ў некалькіх акругах вакол Будапешта.

Найбольшай нечаканасцю стала акруга ў горадзе Бая (Бач-Кішкун 6), дзе прадстаўнік «Фідэс» Роберт Жыго не прайграваў ні на якіх выбарах з 1998 года. У 2022 годзе ён апярэдзіў апазіцыю на 24,5 працэнтных пунктаў. Аднак свежыя апытанні паказваюць, што цяпер ён саступае кандыдату ад «Цісы» Бенце Чонтошу. Сярод тых, хто вызначыўся, разрыў складае 49% супраць 45% на карысць апазіцыянера.

Апытанні адзначаюць імклівае змяненне электаральных сімпатый у апошні перыяд перад выбарамі. Напрыклад, у мястэчку Дабаш (Пешт 13) яшчэ напрыканцы лютага паміж кандыдатамі была фактычная нічыя. Аднак на працягу сакавіка рэйтынг прадстаўніка «Цісы» вырас на 6 пунктаў, тады як падтрымка кандыдата ад улады ўпала.

Эксперты адзначаюць, што партыя «Фідэс» апынулася ў складанай сітуацыі, нягледзячы на тое, што амаль ва ўсіх акругах выставіла дзейных дэпутатаў. Хоць яны значна больш вядомыя за сваіх апанентаў з «Цісы», запыт на змены аказаўся моцным.

Апытанні праводзіліся метадам тэлефоннага інтэрв’ю ў лютым і сакавіку 2026 года. Выбарка ў акругах складала ад 600 да 800 чалавек, памылка – 4%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]