У Варшаве беларусы святкуюць Дзень Волі

Падчас шэсця беларусы неслі сцяг даўжынёй 330 метраў.

Сёння, 28 сакавіка, з 16:00 па польскім часе (з 18:00 па беларускім) беларусы ў Варшаве сабраліся на плошчы Трох Крыжоў. Адтуль яны пайшлі шэсцем на Замкавую плошчу, дзе запланаваныя мітынг і кірмаш з нагоды Дня Волі, паведамляе «Белсат».

А 16-й гадзіне пачаўся збор на плошчы Трох Крыжоў — каля касцёла святога Аляксандра. Гэта месца знаёмае беларускім католікам: тут праводзяць імшы спецыяльна для беларусаў.

Удзельнікі шэсця выйшлі з плакатамі з патрабаваннем вызваліць палітвязняў Мікіту Емяльянава, Аляксандра Францкевіча, Любоў Рэзановіч, Уладзіміра Гундара і іншых вязняў сумлення.

З плошчы Трох Крыжоў шэсце, у якім узялі ўдзел некалькі соцень чалавек, прайшло па варшаўскім Новым Свеце да Замкавай плошчы.

Падчас шэсця беларусы расцягнулі сцяг даўжынёй 330 метраў.

Увечары на Замкавай плошчы плануюцца вялікі канцэрт беларускіх музыкаў, а таксама святочны кірмаш з працамі беларускіх майстроў, кнігамі і дранікамі ад палітвязняў.

Перад удзельнікамі мітынгу выступяць музыкі. Анансаваныя выступленні гурта Shuma і Вольнага хору.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]