Беларуска набыла джынсы ў Mark Formelle, але ў кішэні яе чакаў сюрпрыз
4- 28.03.2026, 11:35
- 4,500
Выявілася загадкавая запіска на кітайскай мове.
Карыстальніца Threads з нікам mashaosharina нядаўна набыла джынсы ад беларускага вытворцы Mark Formelle. Праўда, новая рэч наўрад ці стала б падставай пісаць пра яе ў сацсетках, калі б не адна дэталь, якая ўразіла пакупніцу, піша «Зеркало».
«Купілі джынсы дзіцяці [ад Mark Formelle], знайшлі ў кішэні запіску. Як такое магчыма?» — пацікавілася mashaosharina.
У каментарыях падказалі, што адзенне беларускага брэнда «ўжо даўно ў Кітаі адшываецца». Аднак некаторыя людзі здзівіліся гэтак жа, як і аўтарка публікацыі.
«Можа, прымяралі кітайцы і па неўважлівасці засунулі ў кішэню спіс прадуктаў?»
«Божа, як я рагатнула, я думала, яны ў Беларусі ўсё шыюць».
«Гэта знак, што трэба вучыцца кітайскай мове, цяпер вельмі перспектыўна!»
«Хутчэй за ўсё напісалі інструкцыю па пранню, каб потым ушылі ў джынсы, але цікава выйшла».
«Гэта развітальнае пісьмо беларускаму лёгпраму ад кітайскіх таварышаў».
Частка людзей, узброіўшыся ці то анлайн-перакладчыкамі, ці то ўласнымі ведамі, разгадала таямнічыя надпісы. Высветлілася, што на лістку па-кітайску пазначаныя нумары мадэляў разам з назвамі мадэляў адзення і абутку, а таксама іх колькасць.
«Гэта пералік тавару: там напісана — чорныя, белыя, ружовыя штаны і колькасць штук. І яшчэ, відаць, серыйны нумар», — заўважыў нехта з нікам harbaby_store.
На афіцыйным сайце Mark Formelle пра пашыў у Кітаі інфармацыі няма. «21 уласная фабрыка, размешчаная ў Беларусі, Узбекістане і Турцыі», — сцвярджае вытворца.
Праўда, розныя беларускія бізнесы насамрэч заказваюць партыі свайго тавару ў Кітаі. Гэтую краіну для супрацоўніцтва найперш выбіраюць з эканамічных меркаванняў, расказваў выданню Office Life Сяргей Завадскі, дырэктар кампаніі China4biz, якая дапамагае беларускім бізнесам шукаць партнёраў у Кітаі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
