Пад Смаленскам разлівалі фэйкавую Coca-Cola «з Беларусі»

Напой гналі ў антысанітарных цэхах і адпраўлялі ў Маскву.

У Смаленскай вобласці працавала падпольная вытворчасць кантрафактнай Coca-Cola. Як паведамілі ў МУС Расіі, яе арганізаваў былы дырэктар завода, які цяпер праходзіць працэдуру банкруцтва.

Паліцэйскія выявілі ў горадзе Рудня паўнавартасную аўтаматызаваную лінію. Каля 20 чалавек без медкніжак выпускалі напой у антысанітарных умовах, вытворчасць ішла ў дзве змены.

Пластыкавую тару рабілі проста на месцы, а крышкі і этыкеткі прывозілі з іншага рэгіёна. Гатовую прадукцыю адпраўлялі ў Маскву. Пры гэтым на бутэльках пазначалі, што напой выраблены ў Грузіі, Азербайджане або Беларусі.

Падчас вобшукаў канфіскавалі амаль 38 тысяч двухлітровых бутэлек, гатовых да продажу, а таксама каля 11 тысяч бутэлек у грузавіку. Акрамя таго, знайшлі рулоны этыкетак, крышкі, прэс-формы і дакументацыю.

Па ацэнцы праваўладальніка, шкода склала каля 6 мільёнаў расійскіх рублёў (каля 210 тысяч беларускіх рублёў). Узбуджана крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]