«Заблакуй Пуціна»: сенатары ЗША выставілі ультыматум Орбану

Закон уводзіць санкцыі супраць высокапастаўленых чыноўнікаў Венгрыі.

Сенатары Кангрэса ЗША маюць намер на гэтым тыдні ўнесці законапраект аб санкцыях супраць высокапастаўленых чыноўнікаў Венгрыі, адказных за набыццё расійскіх энергарэсурсаў і спыненне еўрапейскай дапамогі Украіне. Закон «Аб блакіроўцы Пуціна» прадугледжвае замарожванне актываў і забарону на выдачу віз, піша выданне Financial Times, якое азнаёмілася з дакументам.

Сенатары пачалі наступ на Віктара Орбана у сітуацыі, калі ён не дае Еўрасаюзу выдзеліць Украіне крэдыт на 90 млрд еўра і вядзе супраць яе агрэсіўную прапагандысцкую кампанію, абвінавачваючы яе ў спыненні транзіту расійскай нафты.

«Злучаныя Штаты і нашы саюзнікі павінны і надалей дзейнічаць разам, падтрымліваючы Украіну і перакрываючы крыніцы даходаў, якія падсілкоўваюць вайну Пуціна, – заявіў сааўтар законапраекта, рэспубліканец Том Тыліс. – Гэты законапраект прадугледжвае прыцягненне да адказнасці высокапастаўленых венгерскіх чыноўнікаў, адначасова прапануючы Венгрыі выразны шлях да аднаўлення агульнай пазіцыі са сваімі саюзнікамі – адмовіцца ад расійскіх энергарэсурсаў і спыніць перашкаджаць падтрымцы Украіны». Дэмакрат Джын Шахін, якая разам з Тылісам узначальвае ў Сенаце групу нагляду за НАТА, дадала: «Калі мы хочам, каб вайна ва Украіне скончылася, адміністрацыя Трампа павінна паслядоўна патрабаваць ад нашых саюзнікаў захавання тых жа стандартаў; нікому, асабліва Віктару Орбану, гэта [падтрымка Пуціна] не павінна сысці з рук».

У законапраекце Орбан напрамую не згадваецца як аб’ект санкцый, адзначае FT. Прэзідэнцкая адміністрацыя павінна будзе вызначыць, хто з венгерскіх чыноўнікаў датычны да затрымкі выдзялення сродкаў Украіне і захавання энергетычнай залежнасці краіны ад Расіі, патлумачыў газеце памочнік аднаго з сенатараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]