Японець, які адседзеў у беларускай турме, напісаў пра гэта кнігу

Яна выйдзе 25 сакавіка.

Японець Кій Тэрчы выпусціў кнігу пра тое, як ён трапіў у беларускую турму і прайшоў дапыты КДБ з‑за сваёй цікавасці да цягнікоў. На яе ўжо адрэагавала беларуская прапаганда, піша «Зеркало».

Датай выхаду кнігі «Турэмныя нататкі пра «вучобу» ў Беларусі» аўтара Кія Тэрчы пазначана 25 сакавіка 2026 года. Набыць яе можна на розных пляцоўках, у тым ліку на Amazon.

Аўтар у апісанні адзначыў наступнае:

«Захапіўшыся фатаграфаваннем чыгунак на тэрыторыі былога Савецкага Саюза, у снежні 2024 года я накіраваўся ў Беларусь, апошнюю дыктатуру Еўропы, у пошуках новага аб’екта для здымак. Маё захапленне абярнулася ўмяшаннем паліцыі. Падчас допыту спроба схаваць сувязь з сябрамі, каб не ствараць ім непрыемнасцей, сыграла супраць мяне — мяне затрымалі, а затым адправілі ў турму. У адзіноце, знаходзячыся ў зняволенні і вывучаючы рускую мову, я разважаю: пра сваю гендарную ідэнтычнасць, пра адносіны з бацькам і пра жыццё ўвогуле. Гэта дзённік «турэмнага навучання» працягласцю ў 200 дзён. Дакументальнае эсэ».

У нататцы рэдактара гаворыцца, што «фраза «затрыманы і пасаджаны ў турму за здымкі цягнікоў у Беларусі» можа гучаць адназначна і выклікаць хутчэй негатыўную рэакцыю».

«Аднак шлях да гэтых падзей для аўтара быў поўны ўнутраных канфліктаў, і нават у зняволенні ён працягвае перажываць і сумнявацца. Галоўная сіла гэтай кнігі — у сумленным і адкрытым апісанні яго ўнутраных ваганняў і чалавечай уразлівасці. Акрамя таго, кніга каштоўная як сведчанне рэальнасці: у ёй падрабязна апісаны ўмовы ўтрымання ў турме Беларусі, допыты ў КДБ і шлях да вызвалення праз памілаванне», — адзначае рэдактар.

Увечары 24 сакавіка на хуткі выхад кнігі адрэагаваў адзін з беларускіх прапагандысцкіх тэлеграм‑каналаў. Там твор не чыталі, але асудзілі. Аўтары мяркуюць, што кніга пра тое, як «карателі схапілі і кінулі ў турму» японца Тэруі Ацукі. Паводле слоў прапагандыстаў, яго цікавілі «прыгранічныя з Украінай гарады і вёскі, а асаблівая «любоў» у аўтара была да цягнікоў». У выніку яго затрымалі, асудзілі, а ў чэрвені 2025‑га памілавалі і выслалі з краіны.

Пра затрыманне грамадзян Японіі ў Беларусі паведамлялася ў 2024 годзе. Відаць, аўтар кнігі — гэта замежнік, якога затрымалі 1 снежня 2024‑га ў Калінкавічах. Японскія СМІ пісалі, што гэта можа быць трэвал-блогер, аўтар блога «Этеру», які падарожнічаў па свеце і распавядаў пра мясцовы транспарт і інфраструктуру. У апісанні блога ўказана, што «Этеру» захапляецца японскай поштай і чыгункамі за мяжой.

Як мінімум адзін грамадзянін Японіі быў сярод вызваленых і высланых за мяжу палітвязняў у снежні 2025‑га.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]