Андрус Кубілюс: Еўропе ёсць чаму павучыцца ў Украіны

Абарона крытычнай інфраструктуры мае ключавое значэнне для ЕС.

Еўракамісар па пытаннях абароны і космасу Андрус Кубілюс сустрэўся ў Бруселі з віцэ-прэм’ер-міністрам па пытаннях аднаўлення — міністрам развіцця абшчын і тэрыторый Украіны Аляксеем Кулебам. У ходзе сустрэчы украінскі чыноўнік прадставіў комплекс мераў па абароне крытычна важнай інфраструктуры ад расійскіх удараў, паведамляе «Укрінформ».

«Я выслухаў прэзентацыю віцэ-прэм’ер-міністра пра тое, як Украіна абараняе сваю крытычную інфраструктуру; Еўропе ёсць чаму павучыцца і працаваць разам з Украінай над павышэннем нашай абароназдольнасці», — адзначыў Кубілюс.

На просьбу падаць больш падрабязнасцяў пра сустрэчу, прэс-сакратар Еўракамісіі Томас Рэнье сказаў, што ўчора двое чыноўнікаў правялі «добрую дыскусію», адзначыўшы, што камісар Кубілюс можа дадаць больш інфармацыі пра сустрэчу заўтра падчас брыфінгу ў Бруселі.

У той жа час ён нагадаў, што ў ЕС ёсць набор інструментаў для абароны крытычнай інфраструктуры ў межах адпаведных планаў дзеянняў, якія таксама ўключаюць абарону ад кіберпагроз.

«Відавочна, што наша крытычная інфраструктура мае ключавое значэнне, мы павінны яе абараняць, мы ведаем, што існуе шмат пагроз, накіраваных супраць яе. Гэта была прадуктыўная сустрэча, нашу падтрымку Украіне немагчыма пераацаніць», — сказаў прэс-сакратар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]