Беларуска, якая вадзіць трамвай у Уроцлаве, падчас змены ўратавала кацянё

Жывёла вельмі худзенькая і зусім маленькая.

Беларуска Вольга ў эміграцыі асвоіла новую для сябе прафесію — вадзіцель трамвая. Нядаўна са змены яна вярнулася з чорным кацянём.

Для яго выратавання спатрэбілася арганізаваць невялікую аперацыю, а цяпер беларуска думае, што рабіць з гадаванцам. Пра незвычайны рэйс яна расказала ў TikTok, піша Most.

Раніцай Вольга выконвала чарговы рэйс па Уроцлаве, калі ўбачыла, што паміж рэйкамі «ляжыць нешта незразумелае».

— Я дзынкнула — і гэта нешта незразумелае пабегла, — расказвае яна.

«Незразумелым» аказалася чорная котка, якая так спалохалася, што «сіганула ўправа на праезную частку» і залезла пад аўтамабіль.

Вольга выскачыла з кабіны і пачала махаць рукамі жанчыне, якая была за рулём аўтамабіля, каб тая не рухалася. Вадзіцелька ашалела, не ведаючы, што рабіць. У выніку ёй удалося схапіць жывёлу за хвост, і яна пачала хутка выцягваць яе з-пад аўтамабіля.

— Вішчыць, супраціўляецца, шыпіць на мяне, — апісвае беларуска рэакцыю коткі.

Патрэбныя імя, парада і гаспадары

Выцягнуўшы жывёлу, Вольга задумалася, што з ёй рабіць. Узяць у кабіну нельга па тэхніцы бяспекі: котка можа забіцца пад ногі або ў педалі, адцягнуць увагу і справакаваць аварыю.

Удалося дамовіцца з адной з пасажырак, каб яна патрымала котку. Паралельна Вольга патэлефанавала дачцэ (тая якраз была па дарозе ў школу) і папрасіла прыехаць і забраць жывёлу. Яна сустрэла трамвай акурат на тым прыпынку, дзе дзяўчыне-пасажырцы трэба было выходзіць.

Так чорная котка апынулася ў Вольгі дома. Жывёла вельмі худзенькая і зусім маленькая — беларуска лічыць, што котцы чатыры-пяць месяцаў.

— Муркоча безупынку, — апісвае яна.

У Вольгі ўжо жывуць тры каты. Пакуль новага гадаванца ізалявалі ў пераносцы, але беларуска разважае пра новы дом для коткі. Знаёмыя раяць аддаць яе ў прытулак, але жанчына пакуль не можа вырашыцца.

— Карацей, нам патрэбна імя. І парада. І, можа быць, новыя гаспадары, — падсумоўвае яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]