На выбарах у Францыі сышліся «Гітлер» і «Зяленскі»
- 1,968
Незвычайнае супадзенне прозвішчаў кандыдатаў выклікала ажыятаж у сацсетках.
У невялікім французскім горадзе Арсі-сюр-Об вынікі першага тура муніцыпальных выбараў выклікалі бурлівую рэакцыю ў сацсетках з-за незвычайнага супадзення прозвішчаў кандыдатаў, паведамляе BFM.
У другі тур выйшлі чынны мэр Шарль Гіттлер і яго апанент Антуан Рэно-Зеленскі. Іх прозвішчы адразу прыцягнулі ўвагу карыстальнікаў з-за фанетычнага падабенства з Адольфам Гітлерам і прэзідэнтам Украіны Уладзімірам Зяленскім.
Французскія СМІ адзначаюць, што сітуацыя выклікала адначасова і здзіўленне, і іранічныя рэакцыі. Самі кандыдаты прызнаюцца, што не чакалі такога рэзанансу.
Шарль Гіттлер, які ўжо займае пасаду мэра, кажа, што прывык да жартаў з-за свайго прозвішча яшчэ з дзяцінства.
«Я ўспрымаю гэта нармальна, я прывык», – адзначыў ён, дадаўшы, што заўсёды стараўся годна насіць прозвішча, нягледзячы на складаныя асацыяцыі.
Ён таксама прызнаў, што ў маладосці сутыкаўся з насмешкамі, аднак цяпер гэта ўспрымае спакайней.
Яго апанент, 28-гадовы Антуан Рэно-Зеленскі, патлумачыў, што падвойнае прозвішча мае сямейнае паходжанне: Рэно — ад бацькі, а Зеленскі — ад маці польскага паходжання.
«Спачатку я думаў, што гэта застанецца толькі ў сацсетках, але потым пра гэта пачалі гаварыць усе», – адзначыў кандыдат.
Абодва ўдзельнікі гонкі кажуць, што атрымліваюць пераважна жартаўлівыя каментары і не сутыкаюцца з хваляй нянавісці. Паводле слоў Рэно-Зеленскага, такая сітуацыя нават дапамагла прыцягнуць увагу да горада.
Другі тур выбараў адбудзецца 22 сакавіка і вызначыць, хто ўзначаліць муніцыпалітэт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
