«Панцыр» не спрацаваў: беспілотнікі атаквалі расійскія вайсковыя аб’екты ў Крыме

Нанесены магутны ўдар па зенітна-ракетным палку расіян.

У ноч на 19 сакавіка ў акупаваным Крыме чуліся выбухі: паўвостраў масіравана атакавалі беспілотнікі. У сетцы паведамляюць пра атаку на зенітна-ракетны палк расіян і магчымыя паражэнні іншых вайсковых аб’ектаў.

Дроны атаквалі, у прыватнасці, акупаваны Севастопаль, мыс Фіялент, дзе прагрымелі магутныя выбухі. Пра гэта паведамілі партызаны руху «АТЕШ» у сваім Telegram-канале.

«Магутны выбух на Фіяленце ў Севастопалі... Магчыма, «прылят» па 475-м цэнтры РЭБ Чарнаморскага флоту РФ», — гаворыцца ў паведамленні партызанаў.

Хаця афіцыйнага пацвярджэння атакі на аб’ект на момант публікацыі няма, іншы OSINT-канал «Крымскі вецер» таксама піша пра налёт беспілотнікаў на акупаваны Крым. Паводле звестак аналітыкаў, у раёне мыса Фіялент размешчаныя многія вайсковыя мэты, у тым ліку дывізіён 12-га ракетнага палка, полк РЭБ, частка радыётэхнічнай выведкі і радыёлакацыйная рота.

Прыкметна, што падчас атакі беспілотнікаў не спрацавала расійская супрацьпаветраная абарона, нягледзячы на масіраваны налёт дронаў. Вочавідцы кажуць, што ЗРК «Панцыр» нібыта быў знішчаны падчас папярэдняй атакі. Затое расіянам гэтым разам давялося задзейнічаць кулямёты для збівання мэтаў у небе.

Так званы губернатар Севастопаля Міхаіл Разважаеў пацвердзіў атаку на акупаваны Крым. Паводле ягоных звестак, над рэгіёнам у цэлым нібыта было збіта не менш як 27 беспілотнікаў.

Акупацыйны губернатар заявіў, што ў раёне мыса Фіялент нібыта ў выніку атакі загарэлася трава і адзін з прамысловых будынкаў. Таксама шэраг наступстваў зафіксаваны ў розных раёнах Севастопаля.

Інфармацыя пра паражэнне дронамі вайсковых аб’ектаў расіян у Крыме ўдакладняецца. Украінскія вайскоўцы на момант публікацыі не каментавалі атакі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]