Трамп на 60 дзён прыпыніў дзеянне стагадовага закона

З-за цэн на нафту.

Прэзідэнт ЗША Дональд Трамп на 60 дзён даў паслабленне адносна марскіх перавозак нафты дзеля зніжэння коштаў на паліва з-за эскалацыі на Блізкім Усходзе, паведаміла прэс-сакратарка Белага дома Кэролайн Левітт. Ідзе пра Закон Джонса: паводле яго ўсе грузы паміж партамі ЗША павінны перавозіць судны, пабудаваныя ў Штатах, пад нацыянальным сцягам і з амерыканскім экіпажам.

«Рашэнне прэзідэнта Трампа выдаць 60-дзённае вызваленне ад дзеяння Закона Джонса — гэта чарговы крок дзеля змякчэння кароткатэрміновых збояў на нафтавым рынку», — напісала яна на сваёй старонцы ў X.

Гэта мера дазволіць бесперашкодна пастаўляць у амерыканскія парты нафту, прыродны газ, угнаенні і вугаль. «Адміністрацыя па-ранейшаму імкнецца і надалей умацоўваць нашы крытычна важныя ланцужкі паставак», — падкрэсліла Левітт.

Спыненне суднаходства праз Армузскі праліў, якім звычайна транспартуецца пятая частка сусветнай нафты, а таксама атакі на ключавыя аб’екты энергетычнай інфраструктуры прывялі да росту цэн на нафту і прыродны газ.

Мінэнерга ЗША павысіла прагноз сярэдняга кошту нафты Brent у 2026 годзе з $58 да $79 за барэль у сувязі з эскалацыяй канфлікту на Блізкім Усходзе і наступствамі збояў у пастаўках.

The Financial Times пісала, што чатыры найбуйнейшыя авіякампаніі ЗША рызыкуюць пераплаціць больш за $11 млрд за авіяпаліва ў 2026 годзе пасля таго, як яны вырашылі не страхоўваць чаканыя набыцці ад цэнавых рызык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]