Стуб патлумачыў, чаму еўрапейскія саюзнікі не жадаюць дапамагаць Трампу ў Армузскім праліве

ЗША не параіліся з партнёрамі.

Прэзідэнт Фінляндыі Аляксандр Стуб заявіў, што Злучаныя Штаты не параіліся з саюзнікамі перад тым, як пачынаць вайну з Іранам.

Пра гэта паведаміла выданне Yle у аўторак, 17 сакавіка.

Менавіта тым, што Штаты не правялі кансультацый, Стуб патлумачыў той факт, што еўрапейскія краіны — члены НАТА не выяўляюць жадання дапамагаць ЗША з разблакіроўкай Армузскага праліва.

«Калі ЗША загадзя не параіліся з партнёрамі і не праінфармавалі аб будучых падзеях, то падыход будзе іншым», — заявіў Стуб, які знаходзіцца з візітам у Лондане. І нагадаў, што Штаты раіліся з саюзнікамі перад пачаткам аперацый у Лівіі, Іраку і Афганістане.

Што да самой Фінляндыі, дык, паводле слоў Стуба, у яе няма рэсурсаў для ўдзелу ў аперацыі ў Армузскім праліве.

«Мы не маем такой тэхнікі, якую можна было б накіраваць у гэты рэгіён. У любым выпадку задача Фінляндыі ў Альянсе — клапаціцца пра бяспеку на паўночным усходзе Еўропы», — падкрэсліў Аляксандр Стуб.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]