Расійскага міністра затрымалі за махлярства

Дома і ў кабінеце чыноўніка другі раз за гэты год правялі вобыскі.

Міністра аховы здароўя Краснадарскага краю РФ Яўгена Філіпава затрымалі супрацоўнікі краёвага УФСБ. Дома і ў кабінеце чыноўніка другі раз за гэты год правялі вобыскі, паведамляе «Інтэрфакс».

Па папярэдніх дадзеных, міністра западазрылі ў асабліва буйным махлярстве з выкарыстаннем службовага становішча (частка 4 артыкула 159 КК РФ). Гэта пацягнула за сабой незаконнае ўзбагачэнне чыноўніка і яго набліжаных, у тым ліку сваякоў. Пры гэтым ва ўласнасці Філіпава аказалася нерухомасць коштам звыш 1 мільярда рублёў, паведамляе ТАСС са спасылкай на праваахоўнікаў.

Паводле звестак палітычнага аглядальніка Андрэя Гусія, у затрыманага міністра выявілі ва ўласнасці 57 аб'ектаў нерухомасці: 21 кватэра, 11 нежылых памяшканняў, 9 зямельных участкаў, 7 апартаментаў, 4 гаражы, 3 месцы для аўтамабіляў, 2 прыватныя дамы.

Упершыню сілавікі прыходзілі з вобыскамі да Яўгена Філіпава ў студзені бягучага года. Тады гэта звязвалі з затрыманнем экс-намесніцы губернатара Кубані Ганны Міньковай, якая курыравала сацыяльную сферу, у тым ліку ахову здароўя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]