«Гэта проста анекдот»

Што не так з беларуска-расійскім «саюзным» самалётам.

Праект беларуска-расійскага лёгкага самалёта «Асвей», які ствараецца разам з «Уральскім заводам грамадзянскай авіяцыі», фактычна замарожаны.

Аўтар і вядучы праграмы «Аптымум» на канале «Беларусы і рынак» Андрэй Махоўскі ў каментары «Белсату» назваў цалкам натуральным, што «Асвей» не даецца лёгка:

«Для гэтага ўральскага завода гэта не адзіны праект, там ёсць яшчэ два падобныя праекты: самалёты «Байкал» і «Ладага». «Ладогу» мусілі выпусціць у канцы мінулага года, але так і не выпусцілі. З «Байкалам» наогул адбываецца нешта зусім незразумелае. «Асвей» распрацоўваўся на аснове гэтых двух самалётаў. Гэта значыць, мы ўзялі праекты, якія не былі дапрацаваныя, і на аснове гэтых двух праектаў вырашылі стварыць свой».

Адпаведна, робіць выснову эксперт, няма нічога дзіўнага ў тым, што тэрміны вытворчасці пераносяцца. А тое, што расіяне выставілі новы рахунак, ён назваў «проста анекдатычнай гісторыяй»:

«З самалётам «Байкал» была дакладна такая ж гісторыя. Спачатку ён мусіў каштаваць 120 млн расійскіх рублёў. Цяпер гаворка ідзе пра тое, што цана будзе, здаецца, 480 млн рублёў, нешта такое. Там атрымаўся каласальны рост».

Паводле слоў Махоўскага, праблема гэтага сумеснага праекта Беларусі і Расіі ў тым, што бакі стараліся не нешта пабудаваць, а асвоіць бюджэтныя сродкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]