У Беларусі пачнуць налічваць падатак на сабак нават без іх рэгістрацыі

«Даносіць» прапануюць ветэрынарам і суседзям.

З 1 ліпеня 2026 года ў Беларусі падатак на сабаку будуць налічваць не толькі ўладальнікам, якія афіцыйна зарэгістравалі гадаванца. Плаціць давядзецца і тым гаспадарам, у якіх будзе ўсталяваны сам факт пражывання жывёлы, нават калі яна не пастаўлена на ўлік.

Пра тое, як будуць атрымліваць такую інфармацыю, у эфіры СТВ распавяла намесніца генеральнага дырэктара па ідэалагічнай рабоце Мінскай гарадской жыллёвай гаспадаркі Вольга Драпей. Паводле яе слоў, даныя плануюць збіраць штомесяц з розных крыніц — ветэрынарных клінік, гатэляў для жывёл і іншых месцаў, куды ўладальнікі прыводзяць сабак. Таксама магчымыя паведамленні ад грамадзян і суседзяў.

Стаўкі падатку на 2026 год ужо зацверджаныя. За сабаку звычайнай пароды трэба будзе плаціць 14 рублёў у квартал, за патэнцыйна небяспечную — 67 рублёў. Пры гэтым мясцовыя саветы могуць змяняць памер ставак, але не больш як у два разы.

Падатак пачынаюць налічваць з моманту, калі сабаку спаўняецца тры месяцы.

Закон прадугледжвае шэраг ільгот для ўладальнікаў сабак. Не плаціць падатак могуць асобы з інваліднасцю, якія валодаюць сабакамі-павадырамі, а таксама людзі з інваліднасцю першай, другой і трэцяй групы.

Ад падатку таксама вызвалены многадзетныя сем’і, сем’і ўсыноўнікаў дзяцей з інваліднасцю да 18 гадоў, а таксама грамадзяне, якія пражываюць у аднакватэрных дамах або ізаляваных памяшканнях.

Зарэгістраваць сабаку можна ў службе «адно акно» па месцы жыхарства. Для гэтага спатрэбіцца толькі дакумент, што сведчыць асобу.

Працэдура рэгістрацыі бясплатная, а жэтон і пасведчанне ўладальніку выдаюць у той жа дзень.

Калі ж сабака не зарэгістраваная, гэта лічыцца парушэннем правілаў яе ўтрымання. За такое парушэнне прадугледжаны штраф да 675 рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]